قازاقستان مەن موڭعوليا ءوزارا ساۋدا-ساتتىقتى دامىتۋ جونىندەگى مەموراندۋم جاساستى - فوتو

استانا. قازاقپارات - «اتامەكەن» ۇلتتىق كاسىپكەرلەر پالاتاسىندا موڭعوليانىڭ ۇلتتىق ساۋدا- ونەركاسىپتىك پالاتاسىنىڭ وكىلدەرىمەن كەزدەسۋ ءوتتى، دەپ حابارلايدى قازاقپارات پالاتانىڭ باسپا ءسوز قىزمەتىنە سىلتەمە جاساپ.

ۇلتتىق كاسىپكەرلەر پالاتاسىنىڭ قولداۋىمەن قازاقستان- موڭعوليا اراسىندا ساۋدا- ساتتىق قاتىناستارىن دامىتۋعا باعىتتالعان مەموراندۋمعا قول قويىلعان. ءىس- شاراعا « اتامەكەن» ق ر ۇ ك پ باسقارما ءتوراعاسىنىڭ ورىنباسارى ەلدار جۇماعازيەۆ، موڭعوليانىڭ ۇلتتىق ساۋدا- ونەركاسىپ پالاتا ءتوراعاسى ماگۆان ويۋۋنچيمەگ، «اتامەكەن» ق ر ۇ ك پ وڭىرلىك دامۋ دەپارتامەنتى، قازاقستاننىڭ سىرتقى ساۋدا پالاتاسىنىڭ وكىلدەرى جانە موڭعوليانىڭ دەلەگاتسياسى قاتىستى.

ۇلتتىق كاسىپكەرلەر پالاتاسىنىڭ باسقارما ءتوراعاسىنىڭ ورىنباسارى ەلدار جۇماعازييەۆ كەزدەسۋدە ارىپتەستەرىن پالاتانىڭ جۇمىس ىستەۋ باعىتتارى مەن قۇرىلىمىن دەلەگاتسياعا تانىستىرىپ ءوتتى.

«بىرلەسە جۇمىس جاساۋ قازاقستان مەن موڭعوليا ءۇشىن پايدالى بولاتىندىعىندا كۇمانىمىز جوق. تىكەلەي تەڭىزگە شىعۋ جولى ەكى ەل ءۇشىن دە مۇمكىن ەمەس، دەگەنىمەن، قانداي سالادا ءوزارا ءتيىمدى جۇمىس ىستەۋدى قولعا الۋ قاجەتتىگىنىڭ بۇگە-شىگەسىنە دەيىن تالقىلاپ، انىقتاۋ قاجەت»، - دەدى ەلدار جۇماعازييەۆ.

ۇلتتىق كاسىپكەرلەر پالاتاسى ءتوراعاسى ورىنباسارىنىڭ ايتۋىنشا، موڭعوليامەن سەرىكتەستىك قاتىناستار ورناتۋ اۋىل شارۋاشىلىق ونىمدەرىن دايىنداۋ، ورگانيكالىق تازا ونىمدەر شىعارۋ سالالارىندا ءتيىمدى بولاتىنى انىق.

 

«ءبىزدىڭ باستى ماقساتىمىز - قارىم- قاتىناس ورناتۋ. قىسقا مەرزىم ىشىندە ءبىزدىڭ ۇسىنىسىمىزدى قابىل الىپ، سەرىكتەستىك ورناتۋعا كەلىسىم بەرگەندىكتەرىڭىزگە قۋانىشتىمىز. ەكى ەل ءۇشىن ءتيىمدى ناقتى جوبالاردى قولعا الىپ، ەكونوميكامىزعا ۇلكەن ۇلەس قوساتىنىمىزعا سەنىمدىمىز»، - دەدى موڭعوليانىڭ ۇلتتىق ساۋدا- ونەركاسىپ پالاتا ءتوراعاسى ماگۆان ويۋۋنچيمەگ.

ايتا كەتەرلىگى، 2016 - جىلى ەكى مەملەكەتتىڭ اراسىنداعى تاۋار اينالىمى 77,9 ميلليون دوللارى بولعان. سول جىلى قازاقستاننىڭ موڭعولياعا ەكسپورتى D عا وسكەن.