بەيجىڭدە ترانس كاسپي دالىزىندەگى قازاقستاننىڭ ءرولى تۋرالى ايتىلدى

بەيجىڭ. قازاقپارات - ينۆەستيتسيالار جانە دامۋ ۆيتسە- ءمينيسترى رومان سكليار باستاعان قازاقستاندىق دەلەگاتسيا «ءبىر بەلدەۋ، ءبىر جول» باستاماسىن ىسكە اسىرۋداعى ترانس كاسپي ساۋدا جانە ترانزيت ءدالىزىنىڭ ءرولى» حالىقارالىق كونفەرەنتسياسىنا قاتىستى،

دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.

ترانس كاسپي حالىقارالىق كولىك مارشرۋتى (ت ح ك م) - قىتاي، قازاقستان كاسپي اكۆاتورياسى ارقىلى ازەربايجان، گرۋزيا ودان ارى ەۋروپا ەلدەرىنە شىعاتىن حالىقارالىق كولىك ءدالىزى.

ر. سكليار كونفەرەنسيانىڭ اشىلۋىندا قازاقستاننىڭ كولىك- ترانزيتتىك الەۋەتى تۋرالى باياندادى. ونىڭ ايتۋىنشا، سوڭعى 10 جىلدىڭ كولەمىندە ق ر كولىك سالاسىنا 30 ميلليارد دوللار ينۆەستيتسيا قۇيىلىپ، 2,5 مىڭ شاقىرىم تەمىر جول سالىنىپ، 19,5 مىڭ شاقىرىم اۆتوجول قايتا جوندەۋدەن وتكەن. كاسپي تەڭىزىندەگى قازاقستان پورتتارىنىڭ وتكىزۋ مۇمكىندىگى 23,5 ميلليون تونناعا دەيىن ۇلعايىپ، 15 اۋەجايدىڭ ۇشىرىپ- قوندىرۋ جولاقتارى جاڭعىرتىلعان.

جيىندا «ق ت ج» ۇ ق» ا ق ۆيسە- پرەزيدەنتى سانجار ەلۋبايەۆ ءسوز سويلەدى.

 ونىڭ ايتۋىنشا، ماماندار ترانس كاسپي باعىتى مەن شىعىس جانە وڭتۇستىك ەۋروپاداعى تاۋار اينالىمى 2020 -جىلعا قاراي 922 ميلليارد دوللارعا دەيىن وسەتىنى تۋرالى باعا بەرگەن. جۇك كولەمىنىڭ الەۋەتىمەن ەسەپتەسەك، بۇل 20 فۋتتىق ولشەمدەگى 300 مىڭنان استام كونتەينەر دەگەن ءسوز.