ءۇرجاردا بۇركىتشىلەردىڭ رەسپۋبليكالىق ءتۋرنيرى وتۋدە - فوتو
تۋرنير ەرتەڭ دە جالعاسىن تابادى، دەپ حابارلايدى «قازاقپارات» ح ا ا ءتىلشىسى.
وڭىردەگى قۇسبەگىلىكتىڭ دامۋىنا ۇلكەن ۇلەس قوسىپ جۇرگەن ءارى وسى چەمپيوناتتى ۇيىمداستىرۋشى تاتتىمبەت كاپ ۇلىنىڭ سوزىنە قاراعاندا، 10 وبلىس پەن قالالارىنان 39 قۇسبەگىلەر قاتىسىپ جاتىر.
«بۇركىتشىلەر «قولعا قوندىرۋ»، «شىرعا سالۋ»، «قويان الۋ»، «تۇلكى الۋ» جانە «قاسقىر الۋ» تۇرلەرى بويىنشا ءوزارا باق سىناسادى. ادەتتەگىدەي جارىستىڭ ءبىرىنشى كۇنى، ياعني بۇگىن قىراننىڭ بابىن سىنايتىن قۇستى قولعا شاقىرۋ، ەركىن ۇشىرۋ، شىرعاعا سالۋ سەكىلدى سايىستار وتكىزىلىپ جاتىر»، دەيدى تاتتىمبەت كاپ ۇلى.
رەسپۋبليكالىق ءتۋرنيردىڭ العاشقى كۇنى سايىستىڭ بۇركىتشىلەرى كوك تاعىلارىمەن «قولعا شاقىرۋ» جانە «شىرعا سالۋ» تۇرلەرى بويىنشا سىنعا ءتۇستى. اۋقىمدى سايىس ەرتەڭ اياقتالماق. ەسكە سالا كەتسەك، بۇركىتشىلەر سايىسى شىعىس قازاقستان وبلىسىنىڭ ءۇرجار اۋدانىندا وسىمەن ەكىنشى جىل قاتارىنان ۇيىمداستىرىلىپ وتىر.
بۇركىتشىلەردىڭ بيىلعى رەسپۋبليكالىق باسەكەسىنە قاتىسىپ جاتقان قۇسبەگىلەردىڭ جاس ايىرماشىلىعى ءارتۇرلى. دەگەنمەن، ەڭ جاسى كىشى قۇسبەگى - اقمولا وبلىسى، ەڭبەكشىلدەر اۋدانىنان قىران باپتاپ اكەلگەن 18 جاستاعى بايراق تاستانبەك ۇلى ەكەن. ول وتكەن جىلى استانادا وتكەن قۇسبەگىلەر چەمپيوناتىندا ءۇشىنشى ورىندى قانجىعاسىنا بايلاعان. قىراندار سايىسى ەرتەڭ اياقتالماق.
زۋحرا نۇرجان قىزى