الەۋمەتتىك جەلىلەردە شاعىمداردى قالدىراتىن اككاۋنت اشىلماق
«ماسەلەن، ەگەر اۋىلدى ايماقتاردا مەملەكەتتىك باعدارلاما اياسىندا جولدار ساپاسىز سالىنىپ جاتاتىن بولسا نەمەسە گاز قۇبىرى جۇمىس ىستەمەسە، ءاربىر ادام اگەنتتىككە حات جازا الادى. شاعىم جەدەل تۇردە قارالادى. الەۋمەتتىك جەلىلەردە ارنايى پاراقشالار اشىلىپ، وندا تۇرعىندار وزدەرىنە ىڭعايلى فورماتتا ماتەريالدارىن كەز كەلگەن ۋاقىتتا جولدايتىن بولادى» ، - دەيدى اگەنتتىك ءتوراعاسى اليك شپەكبايەۆ استانادا وتكەن ۆەدومسۆونىڭ القا وتىرىسىندا.
سونىمەن بىرگە، ول بۇل باعىتتا قاراپايىم حالىق شەشۋشى ءرولدى اتقارىپ، شاعىمدارمەن بىرگە قاجەتتى فاكتىلەردى العا تارتۋى كەرەكتىگىن اتاپ ءوتتى.
«كەي كەزدە ءبىر عانا فوتوسۋرەت جەتەرلىك بولىپ جاتادى. ورتالىقتا وتىرىپ، سوناۋ پاۆلودار وبلىسىنىڭ اقتوعاي اۋدانىنداعى مولودەجنىي كەنتىندە نە بولىپ جاتقانىن كورۋ مۇمكىن ەمەس. بىزگە باقىلاۋ جۇمىسىنا كەلگەندە بەلسەندى ازاماتتىق كومەكشىلەر كەرەك» ، - دەيدى ول.
اگەنتتىك ءتوراعاسىنىڭ ايتۋىنا قاراعاندا، قوعامدىق باقىلاۋدىڭ ماڭىزى اسا زور.
«ولار وسى يدەيانى ءتۇيسىنىپ، قوعامدىق باقىلاۋ جۇمىسىن تالداۋدى باستاۋى كەرەك. اگەنتتىكتىڭ اۋماقتىق دەپارتامەنتتەرىنە بىرلەسە جۇمىس اتقارۋدىڭ تەتىكتەرىن ازىرلەۋدى تاپسىرامىن. ول ەڭ الدىمەن بارىنشا ىڭعايلى بولۋى ءتيىس. كەز كەلگەن ءوتىنىم بارىنشا وقيعا ورنىن بارىپ تۇرىپ زەرتتەلۋى كەرەك» ، - دەپ ءتۇيدى اليك شپەكبايەۆ.