بۇل تۋرالى بۇل تۋرالى ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جازدى، دەپ حابارلايدى «قازاقپارات» ح ا ا ءتىلشىسى.
«ا ق ش- تىڭ فەدەرالدى تىركەۋشىسى شىعىس پۋماسىن جويىلىپ كەتكەن اڭداردىڭ تىزىمىنە ەنگىزدى. ەندى الەمدە بۇنداي جىرتقىش اڭ جوق. تەك كىتاپ بەتتەرىندە قالا بەرمەك. الپاۋىت امەريكانىڭ ءوزى براكونەرلىكتى جەڭە الماۋدا»، - دەپ جازادى ساكەن دىلداحمەت.
Puma concolor نەمەسە شىعىس پۋماسى زوولگتاردىڭ پايىمداۋىنشا، ءبىرشاما ۋاقىت بۇرىن، ياعني جويىلعان اڭداردىڭ تىزىمىنە ەنگىزىلمەي تۇرىپ قۇرىپ كەتكەن. ءتىپتى عالىمداردىڭ ءبىر بولىگى مىسىق تۇقىمداس بۇل اڭنىڭ 1930 -جىلدارى جويىلىپ كەتكەنىن العا تارتادى. مىسىق تۇقىمداستاردىڭ وسى ءتۇرى مەكەن ەتەتىن كانادا ءالى شىعىس پۋماسىنا قاتىستى ۇستانىمىن بىلدىرگەن جوق.
جويىلىپ كەتكەن اڭداردىڭ ەكى ءتۇرى بىلتىر رەسەيدە دە تىركەلىپتى. قىزىل كىتاپقا ەنگىزىلىپ، اۋلاۋعا تىيىم سالىنعانىمەن قار قويى مەن بۇلاناي (گيمالاي) ايۋى قۇرىپ كەتكەن. رەسەيلىك عالىمدار بۇعان ەڭ الدىمەن اڭشىلىق سەبەپ بولعانىن تۇجىرىمداپ وتىر.
اۆتور: ايان بەكەن ۇلى