بۇل تۋرالى The Verge پورتالى حابارلادى. پورتال مەملەكەتتىڭ بيۋدجەتتىك قورىنداعى قۇجاتتاردى تەكسەرۋ كەزىندە وسىنداي وزگەرىستەردى انىقتاعان. ەگەر ءدال وسى جاعداي ورىن الاتىن بولسا، ەگەر NASA وسى ۋاقىت ىشىندە جاڭا عارىشتىق قۇرىلعى ويلاپ، ونى جۇزەگە اسىرمايتىن بولسا، امەريكالىق عارىشكەرلەر عارىش الەمىمەن ۇزاق جىلعا قول ءۇزۋى مۇمكىن. ا ق ش كونگرەستىنىڭ 12 - اقپانداعى وتىرىسىنا دەيىن بۇل قۇجاتتار ءالى مىڭ وزگەرۋى مۇمكىن. دەگەنمەن The Verge پورتالى انىقتاعان قۇجاتتا بۇل ماسەلە ەڭ سوڭعى بولىپ ايتىلاتىنىن حابارلاعان. ال NASA بولسا، سوڭعى قۇجاتتا اتالاتىن شەشىمگە كوز جەتكىزبەي ەشقانداي ارەكەتكە بارمايتىندارىن جەتكىزدى. «NASA عارىش اگەنتتىگى حالىقارالىق عارىش ستانتسياسىمەن بىرگە ءبىر باعىتتا جانە ءبىر ماقساتتا ءتۇرلى عارىشتىق جوبالاردى جۇزەگە اسىرىپ كەلە جاتىر. بۇل تەك ساناۋلى ادامدار ءۇشىن ەمەس، ادامزات ءۇشىن وتە ماڭىزدى جۇمىستار. ءبىز وربيتاعا شىعۋ ارقىلى ءتۇرلى لابوراتوريالىق تاجىريبەلەر جاسايمىز» ، - دەپ NASA اكىمشىلىگى ءوز ويلارىن ايتتى «ال بولىپ جاتقان الىپ- قاشپا اڭگىمەگە بايلانىستى جاۋاپ بەرمەيمىز. ءبىز 12 اقپان كۇنى بولاتىن جيىنى كۇتەمىز» ، - دەيدى.
دونالد ترامپ باستاعان ا ق ش بيلىگىنىڭ بۇل شەشىمگە بارۋىنا مەملەكەتتەن بولىنەتىن اقشانىڭ وتە قوماقتى تۇردە كەتىپ جاتقانىن كورسەتسە كەرەك. جالپى العان كەزدە امەريكا حالىقارالىق عارىش ستانتسياسىنا 87 ميلليارد ا ق ش دوللارىن سالعان. NASA ا ق ش- تىڭ 44-پرەزيدەنتى باراك وبامانىڭ كەزىندە حالىقارالىق عارىش ستانتسياسىنىڭ بيۋدجەتتىك ماسەلەسىن شەشەتىنىن ايتقان بولاتىن. وكىنىشكە قاراي، ايتىلعان ءسوز ايتىلعان جەردە قالسا كەرەك. ەندى نە بولادى؟ شىندىعىنا كەلگەن كەزدە ا ق ش بيلىگى حالىقارالىق عارىش ستانتسياسىن قارجىلاندىرىپ وتىرعان NASA حالىقارالىق عارىش ورتالىعىنان وزدەرىنىڭ ۇلەسىن العىسى كەلەدى. ياعني ح ع س امەريكا ءۇشىن كومەرتسيالىق باعىتتاعى جوبا بولۋى كەرەك دەگەن اڭگىمە دە بار.
Massaget.kz