باعانىڭ وسپەگەنىن وبلىستىق جانار- جاعار ماي قاۋىمداستىعىنىڭ ءتوراعاسى قايىپبەك قامباروۆ تا راستاپ وتىر. ونىڭ سوزىنشە، وڭىردە بەنزينگە دەگەن تاپشىلىق جوق. قاجەتتى كولەمدى مۇناي وڭدەۋ زاۋىتى بوساتىپ جاتىر. سوندىقتان باعانى دا كوتەرۋگە نەگىز جوق. «ماسەلەن (اي-91 بەنزينىن- اۆت.) «قاز مۇناي گاز» - 159 تەڭگە، «Sinoil» - 158, «Helios» - 158 تەڭگەدەن ساتىپ جاتىر. كىشىگىرىم جانارماي بەكەتتەرى - 155 -156 تەڭگەدەن بوساتۋدا»، - دەدى قايىپبەك كامباروۆ.
ايتا كەتەيىك، بۇعان دەيىن كەيبىر اقپاراتتىق سايتتار مەن الەۋمەتتىك جەلىلەردە شىمكەنتتەگى بەنزين باعاسى 4 تەڭگەگە كوتەرىلىپ، اي-92 ماركالى جانارماي 162 تەڭگەدەن ساتىلىپ جاتقانى جونىندە اقپارات تاراعان ەدى.
اۆتور: اينۇر اقبايەۆا