«مەكتەپتە حيدجاب نەمەسە ورامال تاعۋعا قاتىستى ماسەلەلەر ءبىلىم جانە عىلىم مينيسترلىگىنىڭ قۇزىرەتىندە. ويتكەنى مينيسترلىك بۇيرىعىنا سايكەس، مەكتەپتە بالالاردىڭ اراسىندا الاۋىزدىقتى تۋدىراتىن كەز كەلگەن ماسەلەلەرگە قاتىستى شەكتەۋ بار، ونىڭ ىشىندە قىمبات بۇيىمدار مەن ءتۇرلى زاتتاردى تاعۋعا، قىسقا كويلەكتەر كيۋگە بولمايدى. سونىمەن قاتار ءدىني بەلگىلەرگە قاتىستى تالاپتار ەسكەرىلگەن. سوندىقتان بۇل ماسەلە «ءبىلىم بەرۋ تۋرالى» زاڭدا جانە ءبىلىم جانە عىلىم ءمينيسترىنىڭ بۇيىرىعىندا ناقتى كورسەتىلگەن»، - دەدى ن. ەرمەكبايەۆ تىلشىلەرگە بەرگەن سۇحباتىندا.
وسى ورايدا ول وقۋشىلاردىڭ حيدجاب كيۋىنە بايلانىستى شەكتەۋدى قاراستىراتىن نورما بۇگىن ماجىلىستە تانىستىرىلىپ وتىرعان زاڭ جوباسىندا جوق ەكەنىن اتاپ ءوتتى.
«ءبىراق تا، ەگەر ءبىلىم جانە عىلىم مينيسترلىگى مۇنداي نورمانى ەنگىزۋگە باستاماشىلىق ەتسە، وعان ءبىز قارسى بولمايمىز»، - دەدى مينيستر.
اۆتور: رۋسلان عابباسوۆ