شەنەۋنىك مەيىرحان ماكەنبايەۆ ىشىمدىك ءىشىپ الىپ ءوزىنىڭ قىزمەتتىك «نيۆا» كولىگىنىڭ رۋلىنە وتىرعان. ونى جول پوليتسياسى اقتوعاي اۋدانىنداعى جالاڭاش اۋىلىنىڭ جانىندا توقتاتادى.
ءتارتىپ بۇزۋشىلىق جاعدايىنىڭ قالاي بولعانىن ادەپ جونىندەگى كەڭەس وتىرىسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باس مامانى داۋرەن ورازبايەۆ ايتىپ بەردى. ونىڭ سوزىنشە، شەنەۋنىكتە جۇرگىزۋ كۋالىگى دە بولماعان، ارنايى ساراپتاما ونىڭ ىشكەنىن كورسەتكەن.
«كەجەك اۋىلدىق وكرۋگىنىڭ اكىمىنە قاتىستى ماتەريال ادەپ كەڭەسىنىڭ قاراۋىنا جىبەرىلدى»، - دەدى داۋرەن ورازبايەۆ.
ادەپ كەڭەسىنىڭ مۇشەلەرى ارىپتەستەرىنىڭ بۇل ارەكەتىن ايپىتادى. كەڭەس ءتوراعاسى جاندوس سارسەنوۆ كەڭەس مۇشەلەرىمەن بىرلەسە وتىرىپ، اۋىل اكىمىن قاتاڭ تارتىپتىك جاۋاپكەرشىلىككە تارتۋ تۋرالى شەشىم قابىلدادى.