بۇل تۋرالى ەگيپەت پرەزيدەنتى كەڭسەسىنىڭ وكىلى باسسام رادي مالىمدەدى.
ازەرتادج اگەنتتىگىنىڭ حابارلاۋىنشا، ەفيوپيا استاناسىندا افريكا وداعىنىڭ جوعارى دەڭگەيدەگى كەزەكتى سامميتى وتۋدە. سامميت جۇمىسىنا افريكا ەلدەرىنىڭ مەملەكەت جانە ۇكىمەت باسشىلارى قاتىسۋدا. ولاردىڭ ىشىندە ەگيپەت پرەزيدەنتى ابدەل فاتتاح اس-سيسي دە بار.
ءىس-شاراعا ب ۇ ۇ باس حاتشىسى انتونيۋ گۋتەرريش، اراب مەملەكەتتەرى ليگاسىنىڭ (ا م ل) باس حاتشىسى احمەد ابۋ ال گەيت، سونداي-اق ءبىرقاتار حالىقارالىق جانە ايماقتىق ۇيىمداردىڭ جەتەكشىلەرى قاتىسۋدا.
كەزدەسۋدىڭ باستى تاقىرىبى - سىبايلاس جەمقورلىققا قارسى كۇرەس. سونىمەن قاتار مەملەكەت باسشىلارى 2015-جىلى قابىلدانعان ۇزاق مەرزىمدى پەرسپەكتيۆاداعى ەكونوميكالىق جوسپاردى جۇزەگە اسىرۋ جايىن تالقىلايدى. ينفروقۇرىلىمدىق رەفورمالاردى وتكىزۋ، افريكالىق ەركىن ساۋدا ايماعىن قۇرۋ، الەۋمەتتىك جانە ەكونوميكالىق جوبالاردى ىسكە اسىرۋ جانە باسقا دا وزەكتى ماسەلەلەر قاراستىرىلاتىن بولادى.