وتكەن جىلى ساۋد ارابياسىندا تاق مۇراگەرى مۇحاممەد بين سالمان ءال ساۋد «كوررۋپتسياعا قارسى كۇرەس» ناۋقانىن جاريالاعان سوڭ مونارح اۋلەتىنىڭ كەيبىر مۇشەلەرى، ءىرى شەنەنۋنىكتەر مەن كاسىپكەرلەرمەن قوسا ءال- ءۋاليد دە ۇستالعان. ونى بىلتىرعى قاراشا ايىنان بەرى ەر- ريادتاعى Ritz-Carlton قوناقۇيىنىڭ ءسان- ءسالتاناتتى بولمەسىنەن شىعارماي ۇستادى. ۇستالعانداردىڭ كوپشىلىگى كەيىن اۋقىمدى اقشا نەمەسە اكتيۆتەرىن قازىناعا بەرۋگە كەلىسكەننەن كەيىن ولاردى بوساتقان.
حانزادا ءال- ءۋاليدتى قانداي شارتپەن بوساتقانى ازىرشە بەلگىسىز. ول تۋرالى ەشقانداي رەسمي اقپارات جوق.
بوساتىلاردان بىرنەشە ساعات بۇرىن ميللياردەر ۇستالعان كەزدەن بەرى العاش رەت Reuters اگەنتتىگىنە بەرگەن سۇحباتىندا ميللياردەر قوناق ءۇيدىڭ ليۋكس بولمەسىندە جاتقان ءوز جاعدايىن سيپاتتاپ، ءوز يەلىگىندەگى دۇنيە- مۇلىكتەن ايرىلىپ قالمايتىندىعىنا ءۇمىتتى ەكەنىن جەتكىزگەن.
ءال- ۋاليد بين تالال - باتىستاعى كوپتەگەن كومپانيالاردىڭ يەسى، ول رەسەيگە دە قارجى سالعان.
www.azattyq.org