ديماش قۇدايبەرگەن قىتايداعى «ۇزدىك ءارتىس» اتاعىن جەڭىپ الدى
« Global golden chart awards ماراپاتتاۋ سالتاناتىندا مەن «ۇزدىك ءارتىس» اتالىمى بويىنشا جەڭىمپاز اتاندىم. بەلگىلى سەبەپتەرگە بايلانىستى بۇگىن سىزدەردىڭ الدارىڭىزدا ءوز ونەرىمدى كورسەتە المادىم. الداعى ۋاقىتتا بارلىقتارىڭىزدى جاڭا اندەرىممەن قۋانتاتىن بولامىن. تۇسىنىستىكپەن قاراعاندارىڭىزعا راحمەت! Dears! سىزدەردى جاقسى كورەمىن!»، - دەدى قازاقستاندىق ءانشى ءوزىنىڭ ينستاگرامداعى جازباسىندا.
ماراپاتتاۋ ءراسىمى 27 - قاڭتاردا بەيجىڭدەگى «جۇمىسشىلار» ستاديونىندا وتكەن. مۋزىكالىق شارانى قىتاي، سينگاپۋر، مالايزيا جانە اقش- تىڭ سان- فرانتسيسكو قالاسىنىڭ اقپاراتتىق اگەنتتىكتەرى بىرلەسىپ جىل سايىن ۇيىمداستىرادى.
ايتا كەتەرلىگى، ديماشتىڭ جانكۇيەرلەرى YouTube جەلىسىندە قالدىرعان پىكىرلەرىندە شارشاڭقى جۇزىنە قاراماستان ءانشى ءوزىن جوعارى دەڭگەيدە ۇستاعانى ايتادى، جانە وعان ءوزىنىڭ عاجايىپ داۋىسىن ساقتاۋ جونىندە كەڭەستەر بەرىلگەن.