قازاقستان سلەدج-حوككەيدى دامىتپاق
سپورتتىڭ وسى ءتۇرى كەڭ تارالماعان مەملەكەتتەردە ونى ناسيحاتتاۋ تۋرالى حالىقارالىق پاراليمپيادالىق كوميتەتتىڭ باعدارلاماسى ارقاسىندا ۇلتتىق پاراليمپيادا كوميتەتى گرانت يەگەرى اتاندى.
«قازاقستان سپورتتىڭ بۇل ءتۇرى بويىنشا قولدانىلاتىن جابدىقتاردىڭ 14 جۇبىنا قول جەتكىزىپ، ونى دامىتۋعا جول اشىلىپ وتىر. قازاقستان پاراليمپيادا كوميەتى سەرپىندى دامۋعا وسىلاي نىق قادام جاساي بەرەدى»، - دەدى كوميتەتتىڭ باسپا ءسوز قىزمەتى.
جاڭا سپورت ينۆەنتارىن ءبىرىنشى بولىپ، باتىس قازاقستان وبلىسىنىڭ مۇمكىندىگى شەكتەۋلى سپورتشىلارى قولداناتىن بولدى.
«ۇلتتىق پاراليمپيادا كوميتەتى حالىقارالىق پاراليمپيادالىق كوميتەتپەن بىرلەسە وتىرىپ جانە «اگيتوس» قورىنىڭ قولداۋىمەن ەلىمىزدە مۇگەدەك جاندارعا ارنالعان سلەدج- حوككەيدى دامىتۋدى ماقسات ەتىپ وتىر. جاڭادان الىنعان سپورت ينۆەنتارلارى ەلىمىزدە سلەدج-حوككەيدى دامىتۋعا، تانىستىرۋعا سەپتىگىن تيگىزەدى»، - دەدى باسپا ءسوز قىزمەتىندەگىلەر.
سلەدج-حوككەي نەمەسە شانا ۇستىندەگى حوككەي - مۇز ۇستىندەگى كوماندالىق ويىن. ول مۇگەدەك جاندار ءۇشىن شايبالى حوككەيدىڭ بالاماسى بولىپ سانالادى.