يران ساياسي الاڭدا «ارالعا» اينالعان مەملەكەت

كاستانا. قازاقپارات - يران بيلىگى حالقىنىڭ الدىندا سەنىمنەن ايىرىلعانىن، دالىرەگى، حالىقتىڭ سەنىمىن اقتاي الماعانىن رەسمي تۇردە مويىندادى.

مۇنداي قورىتىندىعا كەلگەندەرىن ەل پرەزيدەنتى حاسان رۋحانيعا ۇسىنىلعان ىشكى ىستەر مينيسترلىگىنىڭ بايانداماسىندا ايتىلعان. اتالمىش قۇجاتتا باياندالعانداي، تاياۋدا عانا ورىن العان نارازىلىق شەرۋىنە يران بيلىگى مالىمدەگەندەي، سىرتقى كۇشتەردىڭ ارانداتۋ ارەكەتى ەمەس، ەڭ الدىمەن بيلىككە حالىقتىڭ سەنىمى جوعالعانى سەبەپ بولعان.

باياندامادا مەملەكەتتىك قۇزىرلى قۇرىلىمداردىڭ حالىقتىڭ تالاپ-تىلەگىمەن ساناسپايتىندىعى استى سىزىلىپ تۇرىپ باسا ايتىلعان ەكەن. مۇنداي جاعدايدا دەموكراتيالىق ەلدەردە بيلىك باسىنداعىلار وتستاۆكىگە كەتىپ، ورنىن بوساتىپ بەرەر ەدى.

يران بيلىگىنىڭ حالىقتىڭ الدىندا ەمەس، ءوزارا ەسەپ بەرۋىندە عانا مويىنداۋىنا تۋرا كەلگەن بۇل فاكتىنىڭ استارىندا يراننىڭ ءاۋ باستا ساياسي باعىتىن انىقتاپ بەرگەن ءدىني فاكتوردىڭ جاتقانىن بىلەسىزدەر.

ياعني، شييتتىك باعىتتاعى يران سۇنيتتىك اراب ەلدەرىنىڭ ەكسپانسياسىنان تەك تامىرى تەرەڭگە كەتكەن تاريحىمەن، مادەنيەتىمەن عانا ەمەس، سونىمەن قاتار، ساياسي مايداندا دا تويتارىس بەرۋ ارقىلى قورعانىس پوزيتسياسىندا تۇرعان ەل.

سويتسە دە ءبىر-بىرىنە ارقا سۇيەيتىن ارابتارعا عانا ەمەس، سونىمەن قاتار، اتا-باباسى يمپەريا قۇرعان ەلدىڭ بۇگىنگى تاڭدا ازۋىن ايعا بىلەگەن ا ق ش سەكىلدى الىپ دەرجاۆادان قايمىقپاي، ايماقتا ىقپالدى ەلگە اينالىپ وتىر.

الايدا، ايماقتاعى ىقپالىن ساقتاۋ يراننىڭ يىعىنا اۋىر جۇك بولىپ ارتىلدى. بۇل ءۇشىن يران كوزسىز، ءتىپتى، ءبىز ايتار ەدىك، ەسسىز ارەكەتكە بارىپ وتىر -  يادرولىق باعدارلاما يراننىڭ قاۋىپسىزدىگىنە عانا ەمەس، سونىمەن قاتار، ايماقتاعى جەتەكشى ەلگە اينالۋىنا كەپىلدىك بەرمەك. بۇل ءوز الدىنا بولەك ءارى تاڭدى تاڭعا ۇرىپ تالداۋعا بولاتىن تاقىرىپ بولعاندىقتان كەڭىنەن توقتالىپ جاتپايمىز.

قىسقاسى، سىرتقى ساياساتتا جاقتاساتىن وداقتاسى جوقتىڭ قاسى دەرلىك يران ءبىرىڭعاي سىرتقى ساياساتپەن باس قاتىرىپ جۇرگەندە قوردالانعان ىشكى ماسەلەلەر تۇيتكىلگە اينالىپ، ونىڭ ارتى حالىقتىڭ ستيحيالى تولقۋىنا اپارىپ سوقتىردى. ەتەكتەن تارتقان شاش ەتەك الەۋمەتتىك ماسەلەلەر القىمىنا پىشاق بولىپ تاقالعاندا ەڭ الدىمەن ەلدىڭ تۇرمىسىن تۇزەۋگە سەپتىگىن تيگىزەتىن قادامدارعا بارۋىنا تۋرا كەلەدى. سىرتقى ساياساتتا. يران بيلىگى قانداي ءجۇرىس جاسايدى؟ بۇل تىعىرىقتان قالاي شىعادى؟ ونى الداعى ۋاقىت كورسەتەدى.

islam.kz