ارىپتەستەرى مەن قوعام بەلسەندىلەرىنەن باستاپ، ءانشىنى جاپپاي قوعام سىنعا الدى. بۇل رەتتە ءبىراز جىلدان بەرى حالىقتىڭ ىقىلاسىنا بولەنىپ جۇرگەن اعا بۋىن وكىلدەرىنىڭ تورەعاليعا ايتار كەڭەسى بار.
بۇل تۋرالى «ن ت ك» ارناسىنىڭ «ريەۆيۋ» باعدارلاماسىندا ايتىلدى.
«مەنى ماقتاپ جاتىر، مەن ماقتانۋعا تۇرارلىقپىن دەپ بەتىڭمەن كەتۋگە تاعى بولمايدى. سەبەبى حالىق ءبارىبىر ورنىڭا قويادى»، - دەيدى كۇنى كەشە ءتورتىنشى رەت اكە اتانعان مۇقاسان شاحزادايەۆ.
جالىنداپ تۇرعان 25 جاسىندا حالىقتىڭ ىستىق ىقىلاسىنا بولەنگەن توقتار سەرىكوۆتىڭ دە تورەشكە ايتارى بار. ءانشىنىڭ ايتۋىنشا، اتاقتى بولۋ وڭاي، تەك ونى ساقتاپ قالۋ ءۇشىن ءبىراز ەڭبەكتەنۋ قاجەت!
«اتاقتى ۇستاپ تۇرۋ ءۇشىن يماندىلىق تا، سابىرلىلىق تا، بىلىمدىلىك تە، مىقتىلىق تا ءبارى قاجەت. سونىڭ ءبارى بىرلەسكەن كەزدە اتاق ءوز ورنىندا قالادى، ەگەر ونىڭ بىرەۋى كەم بولسا، اتاق جەرگە بەتىمەن قۇلايدى.
«جەكە باسىم ساقتاناتىن نارسەم - ەلدىڭ سوزىنە قالماۋ. ءبىر جەردە ءوزىمنىڭ وسال ءتۇسىمدى كورسەتىپ قويماۋ، شامام كەلسە، اۋىرىپ تۇرسام دا، قينالىپ تۇرسام دا جىميىپ كۇلۋ. جاساندىلىق ەمەس، حالىقتىڭ كوڭىلىن قالدىرماۋعا تىرىسامىن»، - دەپ ءتۇسىندىردى ول.