سونىمەن بىرگە سالىق تولەۋدەن جالتارىپ، لاڭكەستىك ۇيىمدارعا قول ۇشىن بەرەتىندەرگە توسقاۋىل بولماق. 2018 -جىلدىڭ قاڭتارىنان باستاپ، شەتەلدە جۇرگەن قىتايلىق ازامات جىلىنا 100 مىڭ يۋان (15 مىڭ دوللار) عانا الاتىن مۇمكىندىگى بار. ءبىر تاۋلىكتە ەڭ كوپ دەگەندە 10 مىڭ يۋان عانا بەرىلەدى. ەگەر بىرنەشە كارتوچكادان ارتىعىمەن اقشا الۋعا تىرىسساڭىز، بۇل تولەم جۇيەلەرىن ەكى جىلعا دەيىن تۇساۋلاپ تاستايدى.
زاڭ بويىنشا قىتاي ازاماتتارىنا بىرنەشە بانك كارتاسىن يەلەنۋگە بولادى. الايدا بۇل جاعداي بەلگىلەنگەن ليميتتىڭ كولەمىنە اسەر ەتپەيدى.
بيان يۋنتسزۋ، قىتاي حالىقتار ۋنيۆەرسيتەتى، ەكونوميكا فاكۋلتەتىنىڭ ساراپشىسى:
- دەمەك، قىتاي ازاماتتارى شەتەلدە وقىسا نەمەسە تۋريستىك ماقساتتا جۇرسە جىلىنا 15 مىڭ دولاردان ارتىق جۇمساي المايدى. بۇعان دەيىن قىتاي ازاماتى بىرنەشە كارتوچكادان 100 مىڭ يۋان الا الاتىن. جاقىندا شىققان زاڭ تالاپتارىنا سايكەس، ەندى شەت ەلدە كارتوچكامەن جاسالىنعان تولەم بەلگىلەنگەن شەكتەۋدەن اسپاۋى كەرەك.
بيان يۋنتسزۋدىڭ ايتۋىنشا 2016 -جىلعى مالىمەت بويىنشا 81 پايىز قىتايلىق تۋريستىڭ سىرتتا جۇمساعان اقشاسى 30 مىڭ يۋاننان اسپاعان. سوندىقتان، مۇنداي شەكتەۋلەر شەتەلدەگى قىتايلىقتاردىڭ ءجۇرىپ تۇرۋىنا قيىندىق تۋعىزبايدى. ەڭ باستىسى زاڭ تالاپتارىنداعى ولقىلىقتى پايدالانىپ، مول قاراجاتتى شەتەل اسىرعان الاياقتاردىڭ جولى كەسىلەدى.
ال QR- كود تولەمدەرىنىڭ قوسىمشا قاۋىپسىزدىگى 2018 -جىلدىڭ 1 - ساۋىرىنەن باستاپ ەنگىزىلەدى. مامانداردىڭ ايتۋىنشا، ول قۇپيا سوزدەردىڭ جيىنتىعى، سيفرلى قولتاڭبا نەمەسە ساۋساق ءىزى بولۋى مۇمكىن.
ان ۆەيحۋن، بەيجىڭ قالاسىنىڭ تۇرعىنى:
- ەلەكتروندى تولەم ارينە قولايلى. ءبىراق ۇنەمى تەلەفوندى تازالاپ، ۆيرۋستى ءوشىرىپ وتىرۋ كەرەك. سونىمەن بىرگە كوشەدەگى كورىنگەن نارسەنى سكانەرلەپ، تولەم جاساي بەرۋگە بولمايدى. ەندى اقشا جىبەرۋدىڭ قاۋپسىزدىگىن ودان ءارى كۇشەيتسە تىپتەن جاقسى.
بيان يۋنتسزۋ، قىتاي حالىقتار ۋنيۆەرسيتەتى، ەكونوميكا فاكۋلتەتىنىڭ ساراپشىسى:
- سوڭعى جىلدارى ەلەكتروندى تولەم سالاسىندا الدانعاندار سانى جىل سايىن ارتىپ كەلەدى. بۇعان باستى سەبەپ حالىقتىڭ QR- كود ارقىلى ەسەپ ايىرىسقاندا قاۋىپسىزدىكتى كوپ ەسكەرمەۋىندە. سوندىقتان قۇزىرلى ورىندار ارنايى زاڭ ارقىلى وسى سالانى قورعاۋعا كوشتى. بۇل وسى تولەم جۇيەسىنىڭ ارى قاراي قاۋىپسىز دامۋىنا ۇلكەن سەپتىگىن تيگىزەدى.
PayPal تولەم جۇيەسىنىڭ مالىمەتى بويىنشا 2016 -جىلى قىتايداعى ەلەكتروندى تولەمدەردىڭ سانى 5,5 تريلليون دوللاردى قۇرادى. بۇل ازيا- تىنىق مۇحيت ايماعىنداعى ەلدەردىڭ ىشىندەگى ەڭ جوعارعى كورسەتكىش.
اۆتورلارى: نۇربەك بەكەن، جاڭ ءسۇي
www.24.kz