«قازگيدرومەت» ر م ك الماتى فيليالى اۋا رايى بولجامى ءبولىمىنىڭ جەتەكشىسى سۆەتلانا امانقۇلوۆا الماتى مەن الماتى وبلىسىندا اۋا تەمەراتۋراسى اپتا سوڭىندا ايتارلىقتاي تومەندەيتىنىن ايتتى.
«جۇمادان جەكسەنبىگە دەيىن الماتى مەن الماتى وبلىسىندا اياز تارقامايدى. تۇندە -20-25, كەي جەرلەردە تۇندە -31-36، كۇندىز -18-23 گرادۋسقا دەيىن تومەندەيدى. كەلەسى اپتانىڭ باسىندا، دۇيسەنبى كۇنى اياز قايتا باستايدى. اۋا تەمپەراتۋراسى -3-5 گرادۋس بولادى. ودان كەيىن اپتانىڭ ورتاسىندا تۇندە -10، كۇندىز -5-10 گرادۋس بولادى»، - دەدى امانقۇلوۆا.
سينوپتيكتەردىڭ بولجاۋىنشا، الماتىنىڭ ايازى اقپاندا قايتا ورالادى. اقپان ايىنىڭ 20 كۇنىندە اياز تارقامايدى. اۋا تەمپەراتۋراسى -20 گرادۋسقا دەيىن تومەندەيدى. سودان كەيىن، ايدىڭ اياعىندا اياز سىنىپ، -2،-10 گرادۋس ارالىعىندا بولماق.
«قازگيدرومەت» ماماندارى وڭتۇستىك پەن سولتۇستىكتىڭ ايازدارىندا ايىرماشىلىق بار ەكەنىن ايتتى.
«سولتۇستىكتەگىلەر ونداعى اۋا قۇرعاق بولعاندىقتان شىڭىلتىر ايازعا شىداۋعا بولادى دەپ ەسەپتەيدى. بىزدە مىسالى بۇگىن -25، كەي جەرلەردە - 29، اۋانىڭ ىلعالدىلىعى 70 پايىزعا دەيىن جەتتى. دەگەنمەن، -20 مەن -40-تى ءبارى ءبىر دە سالىستىرۋعا بولمايدى»، - دەدى ول.
اياز ايىرماشىلىعىن الماتىلىق جۇرگىزۋشىلەر دە سالىستىرىپ جاتىر. الماتىلىق جۇرگىزۋشىلەر كولىكتەرىنىڭ -25 گرادۋسقا ء«ۇسىپ» قالعانىن ايتىپ، استانالىق كولىكتەردىڭ شىدامدىلىعىنا تاڭ قالعانىن الەۋمەتتىك جەلىلەردە جاريالادى.
ەسكە سالا كەتەيىك، بۇگىن الماتىنىڭ ءبىرقاتار مەكتەپتەرىندە باستاۋىش سىنىپتاردىڭ ساباقتارى توقتاتىلدى. ەرتەڭ الماتى قالاسىنىڭ ءبىلىم باسقارماسىنىڭ شەشىمىمەن ايازعا بايلانىستى 1-9 سىنىپ ارالىعىنداعى وقۋشىلار ءۇشىن ساباق وتكىزىلمەيتىن بولدى.