قازاقستان ۇلتتىق ارناسىندا جاڭادان اشىلعان «باقىتتى ايەل» باعدارلاماسىنا قوناققا كەلگەن تانىمال ءانشى التىناي جورابايەۆا جۋرناليست ماقپال قاراتايدىڭ بارلىق سۇراعىنا دەرلىك اشىق جاۋاپ بەردى.
جۋرناليست التىنايدىڭ سوڭعى كەزدەرى «اشىلىپ»، بۇرىڭعى ۇياڭ بەت- جۇزىندە ەركىندىك ەرەكشە كورىنە باستاعانىن ايتتى. ءتىپتى مۇنى جورابايەۆانىڭ وتباسىنداعى سوڭعى جاعدايلاردىڭ اسەرىنەن بە دەگەن سۇراق تا قويدى.
«ارينە، وتباسىمداعى جاعداي مەنىڭ ءوزىمدى ۇستاۋىما، ءومىر سۇرۋىمە اسەر ەتپەي قويمادى. ءومىردىڭ قارا سىزىعىنا ءتۇسىپ قالدىم ەكەن دەپ، مۇڭايىپ جۇرەبەرگەن دۇرىس ەمەس. كىمنىڭ باسىندا بولماي جاتىر؟ سوندىقتان بۇل جايتتى سونداي قاتتى اۋىر، باسىمدى كوتەرە الماي قالدىم دەپ ايتپايمىن. ءۇش جىل بۇرىن بولدى.
سول كەزدە قاتتى ۇيالدىم، «جۇرت نە دەيدى» دەپ الاڭدادىم. قازىر ءوز- وزىمە كەلگەن التىنايمىن. سابيتپەن قازىرشە مۇلدە حابارسىزبىز. وعان باقىت تىلەيمىن. ءومىر بولعاننان كەيىن بارىنە دە دايىن بولۋ كەرەك ەكەن. نەگە باقىتتى بولماسقا. مەنى ەكىنشى رەت تۇرمىسقا شىعادى دەگەندەر بولدى. ەگەر جاقسى ەر ادام ۇسىنىس جاساپ جاتسا، قىزدارىممەن اقىلداسا وتىرىپ، شەشىم قابىلدايمىن. بۇل مەنىڭ ءومىرىم. ەشكىمنىڭ ارالاسپاعانى دۇرىس وزگەنىڭ ومىرىنە.
ولار دا جاس ەمەس. كەي جۋرناليستەر وسىنداي ويىمدى «ۇرلەپ» ءوز سوزدەرىن قوسىپ، حالىقتى شۋلاتىپ تا جىبەردى. قازىر قىزدارىما «ماعان ۇقساعان بولىڭدار» دەيمىن. مەن ءوزىمدى ءبىر كىسىدەي ۇلگىلى ايەل دەپ سانايمىن.
جورابايەۆا بۇگىندە ءتورت قىزىنىڭ تاربيەسىنە بار زەيىنىن سالىپ جۇرگەنىن اتاپ ءوتتى.
«پرەزيدەنت مەملەكەتتىك كونسەرتتىڭ كەزىندە مەنى شاقىرعان كەزدە اياق- قولىم دىرىلدەدى.
بۇل قۋانىشتان. ەشقانداي ءانشى پرەزيدەنتتەن وسىنداي ماقتاۋ الماعان شىعار. سوندىقتان وسى جاعداي مەن ءۇشىن ۇلكەن قۋانىش. باقىتتىمىن. ءتورت قىزىم بار. انشىلىك جولدا حالىق سىيلايدى. سوندىقتان ءوزىمدى باقىتتىمىن دەپ ايتا الامىن.»، - دەدى ءانشى.