نيۋ- يوركتە قازاقستاندىق ادەبيەت جانە مادەنيەت ورتالىعى اشىلدى
«قازاقستاندىق ادەبيەت جانە مادەنيەت ورتالىعى ا ق ش- تىڭ كىتاپسۇيەر قاۋىمىنا قازاق حالقىنىڭ ادەپ- عۇرىپتارى مەن ونەرىمەن جاقىن تانىسۋعا مۇمكىندىك بەرەدى. بۇل تاۋەلسىز قازاقستاننىڭ جەتىستىكتەرىن، ونىڭ ەكونوميكا، ساياسات جانە الەۋمەتتىك سالاداعى قول جەتكىزگەن ناتيجەلەرىن ناسيحاتتاۋعا دەگەن تاماشا مۇمكىندىك» ، - دەپ حابارلادى ق ر اكادەميالىق كىتاپحاناسىنىڭ قۇجاتتاردى وڭدەۋ قىزمەتىنىڭ جەتەكشىسى نۇربالا تەكەسبايەۆ ءوزىنىڭ Facebook پاراقشاسىندا.
ورتالىقتا قازاقستان پرەزيدەنتى نۇرسۇلتان نازاربايەۆتىڭ كىتاپتارى، سونداي- اق ەلباسىنىڭ قىزمەتى، ونىڭ حالىقارالىق ساياسي ارەناداعى ءرولى تۋرالى، تاريحي، عىلىمي- تانىمدىق جانە كوركەم ادەبيەتتەر بار. بارلىعى 200 كىتاپ كورەرمەن نازارىنا ۇسىنىلعان.
جاقىن جانە الىس شەتەلدەردەن قازاقستاندىق ادەبيەتتەر ورتالىقتارىن اشۋ جوباسى كىتاپحانالاردىڭ حالىقارالىق دەڭگەيدەگى ىقپالداستىعىنىڭ شەشۋشى بولىگى سانالادى. اتالعان جوبا مەملەكەتتەردىڭ، حالىقتار مەن كىتاپحانالاردىڭ كىتاپتار ارقىلى بايلانىسىنىڭ وزىندىك كوپىرى ىسپەتتەس.
قازاقستاندىق ادەبيەت ورتالىعى ق ر مادەنيەت جانە سپورت جانە ق ر سىرتقى ىستەر مينيسترلىكتەرى مەن قازاقستاننىڭ ا ق ش- تاعى ەلشىگىنىڭ قولداۋىمەن اشىلدى.