ق ر پرەزيدەنتى دونالد ترامپپەن گولف ويناۋعا ۋاعدالاستى

نيۋ- يورك. قازاقپارات - ەلباسى نۇرسۇلتان نازاربايەۆ ا ق ش پرەزيدەنتى دونالد ترامپتى قازاقستاندا گولف ويناۋعا شاقىردى.

بۇل جايىندا قازاقستان پرەزيدەنتى نۇرسۇلتان نازاربايەۆ ب ا ق وكىلدەرىنىڭ ساۋالىنا وراي ايتتى، دەپ حابارلايدى قازاقپارات.

مەملەكەت باسشىسى ا ق ش پرەزيدەنتىنىڭ شوتلانديادا، امەريكادا گولف كلۋبتارىنىڭ بار ەكەندىگىن جانە سەنبى، جەكسەنبى كۇندەرى ۇنەمى وينايتىندىعىن اتاپ ءوتتى.

«اۋا رايى مۇمكىندىك بەرەدى. ال ءبىز قايدا ويناماقپىز؟ سوندا دا مەن ونى گولف ويناۋعا شاقىردىم. ول بىزدە گولفتىڭ بار ەكەندىگىن ەستىگەندە تاڭ قالدى. ءبىز وينايمىز دەپ ۋاعدالاستىق، كەلسە وينايمىز»، - دەدى نۇرسۇلتان نازاربايەۆ.

اۆتور: مارلان جيەمباي