ەلباسى ساپارى: قازاقستان مەن ا ق ش عارىش سالاسىندا ىنتىماقتاسپاق
قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ امەريكا قۇراما شتاتتارىنا ءىس-ساپارى بارىسىندا عارىش قىزمەتى سالاسىنداعى ىنتىماقتاستىق بويىنشا ءبىرقاتار قۇجاتتارعا قول قويدى.
ق ر ق ا و م اەروعارىش كوميتەتى مەن ا ق ش ىشكى رەسۋرستار دەپارتامەنتىنىڭ ا ق ش گەولوگيالىق قىزمەتى («USGS») اراسىندا جەردى قاشىقتىقتان زوندتاۋ عارىشتىق تەحنولوگيالاردى قولدانۋ سالاسىنداعى ءوزارا ءتيىمدى ىنتىماقتاستىق پەن كەڭىستىكتىك مالىمەتتەر ينفراقۇرىلىمىن دامىتۋعا باعىتتالعان حاتىنا قول قويىلدى.
سونداي-اق، ق ر ق ا و م «قازاقستان عارىش ساپارى» ۇ ك» ا ق مەن گەواقپاراتتىق جۇيەلەردىڭ ساپاسى مەن ونىمدىلىگىن ارتتىراتىن اقپاراتتىق تەحنولوگيالاردىڭ جەتەكشى الەمدىك جەتكىزۋشىسى «Hexagon Geospatial» كومپانياسى اراسىندا ىنتىماقتاستىق تۋرالى مەموراندۋمعا قول قويىلدى.
مەموراندۋمنىڭ ماقساتى جەردى قاشىقتىقتان زونداۋ قازاقستاندىق عارىشتىق جۇيەسىنىڭ تيىمدىلىگىن ارتتىرۋعا ارنالعان زاماناۋي گەوكەڭىستىكتىك اقپاراتتىق تەحنولوگيالار مەن باعدارلامالىق قۇرالدار سالاسىنداعى جاقتاردىڭ ىنتىماقتاستىعى بولىپ تابىلادى.
«عالام» ج ش س پەن سپۋتنيكتىك بايلانىستىڭ جەرۇستى ينفراقۇرىلىم سالاسىنداعى الەم كوشباسشىسى «iDirect» كومپانياسىنىڭ اراسىندا دا ىنتىماقتاستىق تۋرالى مەموراندۋمعا قول قويىلدى.
اتالعان مەموراندۋم ءتۇرلى ماقساتتاعى سپۋتنيكتىك بايلانىس جۇيەلەرىن، سونداي-اق ءوزارا قىزىعۋشىلىعىن تۋدىراتىن باسقا دا ونىمدەر مەن قىزمەتتەرىن جاساۋ كەزىندەگى جاقتاردىڭ ىنتىماقتاستىعى مەن ءوزارا ءىس-ارەكەتتىلىگىن كوزدەيدى.
بۇدان باسقا، ق ر ق ا و م «قازاقستان عارىش ساپارى» ۇ ك» ا ق باسشىلىعى «ESRI» كومپانيانىڭ وكىلدەرىمەن كەزدەستى. كەلىسسوزدەر بارىسىندا «ESRI» سەرۆەرلىك پلاتفورماسىن قازاقستان رەسپۋبليكاسىنىڭ عارىشتىق باقىلاۋىندا قولدانۋ مۇمكىندىكتەرى، سونىمەن قاتار ق ر ج ق ز جۇيەسىنىڭ عارىشتىق سۋرەتتەرىن جۇزەگە اسىرۋمەن بايلانىستى ماسەلەلەر تالقىلاندى.