نۇرسۇلتان نازاربايەۆ نيۋ-يوركتە ا ق ش- تىڭ ءىرى كومپانيالارى باسشىلارىمەن كەزدەستى
كەزدەسۋ بارىسىندا مەملەكەت باسشىسى كومپانيانىڭ قازاقستاندا جۇمىس جۇرگىزۋ جونىندەگى شەشىمىن قۇپتايتىنىن ايتتى.
«سىزدەردىڭ قازاقستاندا، «استانا» حالىقارالىق قارجى ورتالىعىندا جۇمىس ىستەۋ جونىندەگى شەشىمدەرىڭىزدى قولدايمىز. ءبىز كونستيتۋتسياعا جانە ەلىمىزدىڭ ءبىرقاتار زاڭىنا وزگەرىستەر ەنگىزدىك. وندا اعىلشىن قۇقىعى ەنگىزىلگەن جانە قاتىسۋشىلاردىڭ بارلىعىنا جەڭىلدىكتەر قاراستىرىلعان. جۇمىس ىستەيتىندەر ءۇشىن بارلىق قولايلى جاعدايدى جاسايمىز»، - دەدى قازاقستان پرەزيدەنتى.
نۇرسۇلتان نازاربايەۆ «Nasdaq» كومپانياسىنىڭ بۇل شەشىمى ونىڭ سەرىكتەستەرى مەن باسقا دا شەتەلدىك كومپانيالاردى «استانا» حالىقارالىق قارجى ورتالىعىمەن ىنتىماقتاستىقتى دامىتۋعا جەتەلەيتىنىن اتاپ ءوتتى.
ا. فريدمان قازاقستاننىڭ حالىقارالىق قارجى ورتالىعىن قۇرۋ جولىندا اتقارعان جۇمىستارىنان العان اسەرى جونىندە ايتتى.
«ءبىز «استانا» حالىقارالىق قارجى ورتالىعىن دامىتۋ جونىندەگى جوسپارلارعا وتە ءتانتى بولدىق. قارجى ورتالىعىنىڭ جۇمىسىنا قاتىستى بارلىق ماسەلەنىڭ جان- جاقتى قاراستىرىلعانىن اتاپ وتكىمىز كەلەدى. بۇل جۇمىستىڭ تىڭعىلىقتى اتقارىلعانىنا ريزامىز»، - دەدى «Nasdaq» كومپانياسىنىڭ باسشىسى.
سونىمەن قاتار، ا. فريدمان «استانا» حالىقارالىق قارجى ورتالىعىمەن ىنتىماقتاستاستىقتى باستاۋعا جانە قازاقستان بيرجاسىنىڭ جۇمىسىنا قاجەتتى وزىق تەحنولوگيالارمەن قامتاماسىز ەتۋگە ءازىر ەكەنىن ايتتى.
كەلىسسوز بارىسىندا تاراپتار بىرلەسە جۇمىس ىستەۋدىڭ جانە قازاقستاندا قولايلى ينۆەستيتسيالىق احۋال قالىپتاستىرۋ ءۇشىن ۇزاق مەرزىمدى بايلانىستاردى ورناتۋدىڭ ماڭىزدىلىعىن اتاپ ءوتتى.
سوڭىندا مەملەكەت باسشىسى نۇرسۇلتان نازاربايەۆ ا. فريدماندى بيىلعى شىلدە ايىندا بولاتىن «استانا» حالىقارالىق قارجى ورتالىعىنىڭ رەسمي تۇردە اشىلۋ راسىمىنە قاتىسۋعا شاقىردى.
سونداي-اق، مەملەكەت باسشىسى «Goldman Sachs» كومپانياسىنىڭ پرەزيدەنتى حارۆي شۆارتسپەن جۇزدەستى.
كەزدەسۋدە تاراپتار «استانا» حالىقارالىق قارجى ورتالىعى مەن «Goldman Sachs» كومپانياسىنىڭ ودان ءارى ىنتىماقتاسۋ ماسەلەلەرىن تالقىلادى.
نۇرسۇلتان نازاربايەۆ حالىقارالىق قارجى ورتالىعىن قۇرۋ ءۇشىن اتقارىلعان جۇمىستاردىڭ ناتيجەلەرىنە توقتالدى.
«بۇگىندە بارلىق قۇقىقتىق جاعداي جاسالدى. اعىلشىن قۇقىعى بازاسىنداعى سوت قۇرىلدى. قاتىسۋشىلار ءۇشىن قاجەتتى بارلىق جەڭىلدىكتەر قاراستىرىلدى، سونىڭ ىشىندە ۆيزا جانە سالىق جەڭىلدىكتەرى دە بار»، - دەدى قازاقستان پرەزيدەنتى.
سونىمەن بىرگە، قازاقستان پرەزيدەنتى «ExxonMobil»كومپانياسىنىڭ باس اتقارۋشى ديرەكتورى داررەن ۆۋدسپەن كەزدەستى.
مەملەكەت باسشىسى قازاقستان مەن «ExxonMobil» كومپانياسى اراسىندا مۇناي-گاز سالاسىندا قالىپتاسقان ەكونوميكالىق سەرىكتەستىكتى ايرىقشا اتاپ ءوتتى.
قازاقستان پرەزيدەنتى بۇل كومپانيانىڭ تەڭىز جانە قاشاعان مۇناي-گاز كەن ورىندارىن يگەرۋگە ارنالعان جوبالارعا اتسالىسىپ وتىرعانىن ايتتى.
د. ۆۋدس نۇرسۇلتان نازاربايەۆتى قازاقستاننىڭ ب ۇ ۇ قاۋىپسىزدىك كەڭەسىندەگى ءتوراعالىعىنىڭ باستالۋىمەن جانە ا ق ش پرەزيدەنتى د. ترامپپەن وتكەن كەلىسسوزدەردىڭ تابىستى بولۋىمەن قۇتتىقتادى.