گەرمانيالىق ساياساتكەر ق ر پرەزيدەنتىنىڭ جولداۋى تۋرالى ايتتى

بەرلين. قازاقپارات - گەرمانيا ەكونوميكاسى شىعىس كوميتەتىنىڭ باسقارۋشى ديرەكتورى ميحاەل حارمس پرەزيدەنت نۇرسۇلتان نازاربايەۆتىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىنا پىكىر ءبىلدىردى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.

«قازاقستان رەسپۋبليكاسى پرەزيدەنتىنىڭ حالىققا جولداۋى الەمدىك نارىقتاعى قازىرگى تاڭداعى سىن-تەگەۋرىندەر مەن باسىمدىق بەرىلۋى ءتيىس باعىتتاردى، سونداي-اق وسى سىن-تەگەۋرىندەردى شەشۋ جولىندا قازاقستان قولدانۋى مۇمكىن ناقتى شارالار مەن ستراتەگيانى كورسەتەدى»، - دەيدى حارمس.

ونىڭ ايتۋىنشا، پايدالى قازبالارعا باي ەلدىڭ جوعارى تەحنولوگيالارى مەن سيفرلاندىرۋ سالاسىنا كوڭىل ءبولۋى بولاشاعى زور ستراتەگيالىق جوسپارلارىنان دەرەك بەرەدى.

ساراپشىنىڭ سوزىنە قاراعاندا، گفر كاسىپورىندارى قازاقستاننىڭ ەكونوميكالىق دامۋ ستراتەگياسىن ءساتتى جۇزەگە اسىرۋعا ۇلەس قوسۋى مۇمكىن. اتاپ ايتقاندا، قازاقستانداعى 4.0 يندۋسترياسىن قۇرۋ جانە سيفرلاندىرۋ، اۋىل شارۋاشىلىعى، كولىك، لوگيستيكا سالالارى گەرمانيا كاسىپكەرلەرىنىڭ نازارىن اۋدارادى.

«ەكسپو-2017» كورمەسىنەن كەيىن قايتا قالپىنا كەلەتىن ەنەرگيا كوزدەرى سالاسىندا ىنتىماقتاستىق ورناتۋدىڭ ەرەكشە مۇمكىندىكتەرى تۋدى»، - دەيدى ميحاەل حارمس.

گەرمانيالىق ساراپشى مەملەكەت باسشىسىنىڭ جولداۋىندا ايتىلعان بيۋروكراتيانى قىسقارتۋ، جەمقورلىققا قارسى كۇرەس، كاسىبي ءبىلىم بەرۋ، قارسى سەكتورى سياقتى سالالاردى دامىتۋعا باسا نازار اۋدارعانىن تىلگە تيەك ەتتى.