ا ق ش- تىڭ قازاقستانداعى ەلشىسى: ۆاشينگتونعا كەلىپ قارنىم اشىپ ءجۇر
بۇل تۋرالى بۇگىن ۆاشينگتوندا ا ق ش- تىڭ قازاقستانداعى توتەنشە جانە وكىلەتتى ەلشىسى دجوردج كرول ايتتى، دەپ حابارلايدى قازاقپاراتتىڭ ارناۋلى ءتىلشىسى.
«بىزگە سىزدەردىڭ ەكولوگيالىق تازا اۋىل شارۋاشىلىعى ونىمدەرىڭىز بەن تەحنولوگيالارىڭىز قاجەت. ۆاشينگتونعا كەلگەلى ەش جەردەن قىمىز، شۇبات تابا المادىم. مەن بۇل جەردە اش ءجۇرمىن. جىلقىنىڭ ەتى دە جوق»، - دەدى دجوردج كرول قازاقستان پرەزيدەنتى ا ق ش- تىڭ ىسكەرلىك توپ وكىلدەرىمەن كەزدەسۋىنەن كەيىن قازاقستاندىق ب ا ق وكىلدەرىنە بەرگەن سۇحباتىندا.
ال ا ق ش مەملەكەتتىك حاتشىسىنىڭ اۋعانستان جانە ورتالىق ازيا جونىندەگى كومەكشىسىنىڭ ورىنباسارى گەنري ەنشەر امەريكانىڭ اۋىل شارۋاشىلىعى سالاسى وتە جوعارى دەڭگەيدە دامىعاندىعىن، قازاقستانمەن اگروونەركاسىپ كەشەنى تەحنولوگيالارىمەن جانە جەتىستىكتەرىمەن بولىسە الاتىندىقتارىن ايتتى.
«امەريكالىق كومپانيالار قازاقستانعا اۋىل شارۋاشىلىعى ونىمدەرىن تەك قانا ءوندىرىپ قانا قويماي ونى قايتا وڭدەۋگە دە كومەك بەرە الادى. سول ارقىلى ونىمگە قوسىلعان قۇنىن ارتتىرۋدى دا قامتاماسىز ەتەتىن بولادى»، - دەدى گەنري ەنشەر.
اۆتور: مارلان جيەمباي