قىتايلىق قازاق بوكسشى حالقارالىق تۋرنيردە جەڭىسكە جەتتى

استانا. قازاقپارات - قىتايدا تۋىپ وسكەن 19 جاستاعى كاسىپقوي بوكسشىسى بەكزات سوتسيالحان ۇلى (1-1-26, 1ك و) حالىقارالىق بوكس فەدەراتسياسى ءوڭىرارالىق ۇيىمىنىڭ (IBF B&R) جىبەك جولى چەمپيونات تۋرى (IBF Silk Road Championship Tournament) قىتايداعى كەزەڭىندە جەڭىسكە جەتتى، دەپ حابارلايدى قازاقپارات ءتىلشىسى.

«قىتاي حالىق گازەتى» اقپاراتتىق سايتىنىڭ حابارلاۋىنشا، ايتۋلى دودانىڭ قىتايداعى كەزەڭى سيۋيچجوۋ قالاسىندا ءوتتى. ورتا سالماقتا جۇدىرىقتاساتىن بەكزات جەڭىلىپ كورمەگەن تايلاندتىق چايۆات مۋەنفۋنمەن (4-0-0 ,2 ك و) كەزدەستى.

جەكپە- جەك 10 راۋندقا سوزىلىپ، قانداسىمىز تورەشىلەر شەشىمىمەن (96:93, 97:92, 96:92) جەڭىسكە جەتتى. وسىلايشا، بەكزات اقپان ايىنىڭ سوڭىندا ماكاودا وتەتىن IBF جىبەك جولى چەمپيونات تۋرى اقتىق باسەكەسىنە جولداما الدى. قانداسىمىز چەمپيوناتتىڭ اقتىق بەلدەسۋىندە  IBF B&R تيتۋلى ءۇشىن ايقاسادى.

 ايتا كەتەيىك، بەكزات سوتسيالحان ۇلى شىنجاڭنىڭ تارباعاتاي ايماعىندا تۋعان. كاسىپقوي بوكستاعى العاشقى جەكپە- جەگىن 2016 -جىلى قىتايداعى IBF تۋرىندا باستاپ، جالپى سانى 4 كەزدەسۋ وتكىزدى.

اۆتور: مۇحتار قاليموللا  ۇلى