تاسماعامبەتوۆ پەن لاۆروۆ ەلدەردىڭ ب ۇ ۇ ق ك- دەگى ارىپتەستىگىن تالقىلادى
10:16, 13 - قاڭتار 2018
ماسكەۋ. قازاقپارات - قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ ر ف سىرتقى ىستەر ءمينيسترى سەرگەي لاۆروۆپەن ەكى ەلدىڭ حالىقارالىق ارەناداعى ءوزارا ارىپتەستىگى ماسەلەلەرىن تالقىلادى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى ق ر- دىڭ ر ف- داعى ەلشىلىگىنىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا قازاقستان- رەسەي ىنتىماقتاستىعىنىڭ، سونداي-اق ەكى ەلدىڭ حالىقارالىق ارەناداعى، اتاپ ايتقاندا، قازاقستاننىڭ بۇۇ قاۋىپسىزدىك كەڭەسىندەگى ءتوراعالىعى اياسىنداعى ءوزارا ارىپتەستىگىنىڭ وزەكتى ماسەلەلەرى تالقىلاندى.
تاسماعامبەتوۆ پەن لاۆروۆتىڭ كەزدەسۋى ەكى ەلدىڭ ءداستۇرلى قاتىناستارىنا ءتان جىلى ءارى سەنىمدى جاعدايدا ءوتتى.
ايتا كەتەلىك، 18-19- قاڭتار كۇندەرى نيۋ-يوركتە قازاقستاننىڭ باستاماسىمەن ب ۇ ۇ ق ك- ءنىڭ اۋعانستان مەن ورتالىق ازيا بويىنشا جانە جاپپاي قىرىپ-جويۋ قارۋىن تاراپتاۋ جونىندەگى وتىرىسى وتەدى.