قوستانايلىق قاريا بوتەلكەدەن سالعان ۇيىندە تۇرىپ جاتىر - فوتو
قوستانايلىق قاريا بوتەلكەدەن سالعان ۇيىندە تۇرىپ جاتىرۆلاديمير اۆحيموۆيچ تۇرىپ جاتقان قامىس ءۇي وتكەن عاسىردىڭ جەتپىسىنشى جىلدارىندا سالىنعان ەكەن. قابىرعالارى ابدەن توزا باستاعان سوڭ ول بوتەلكەلەردىڭ كومەگىمەن جاڭارتۋعا بەل بۋىپتى.
«باستاپقىدا جۇرەكسىندىم، كۇز ايى بولاتىن. نە كەرەك، قىس تۇسكەنشە اياقتاپ ۇلگەردىم. نەگىزى مەن سياقتى ءۇي سالىپ العاندار تۋرالى تەلەديداردان كورگەنمىن. جۇبايىممەن اقىلداسا كەلە، ءبىز دە وسى شارۋاعا كىرىسىپ كەتتىك. شىعىن وتە از بولدى»، - دەپ ەسكە الادى ءۇي يەسى.
اۆحيموۆيچ اتالعان قۇرىلىسقا قاجەتتى بوتەلكەلەردىڭ ءوزىن جارتى جىلداي جيناعان. بالا كەزدەن بەرى شاشىلىپ جاتقان تەمىر-تەرسەك، قاعاز قالدىقتارىن، قوقىستاردى جيناۋعا اۋەس بولىپتى. «ايتەۋىر، ءبىر كەرەگى بولاتىنىن بىلەتىنمىن»، دەيدى ول.
ءۇيدىڭ ءۇش قابىرعاسى بوس بوتەلكەدەن قالانىپ، اراسى بالشىقپەن سىلانعان. مۇنداي شىنى قابىرعالار جاۋىنعا مۇجىلمەيدى، ءتىپتى ايازداردا سىنباعان.
«باستىسى، ءۇيدىڭ جىلۋى عوي. ەگەر تاعى دا بوس شولمەكتەر جيناسام، باسسەين، فونتان قابىرعالارىن قالاۋعا بولادى. حاۋىزعا سۋ تولتىرعاندا جارىقپەن شاعىلىسىپ تاماشا كورىنەدى. ءبىراق بۇل ءۇشىن ازداعان قاراپايىم قۇرىلىس تەحنولوگياسىنان حاباردار بولعان ءجون جانە بوس شيشا قاۋىپتى بولعاندىقتان مۇقيات قاراۋ كەرەك»، - دەپ كەڭەس بەردى ۆلاديمير اۆحيموۆيچ.