داروم ءتۇس. (تەگىن ءتۇس) - بەيبىت سارىباي

استانا. قازاقپارات - ءتاۋبا، ءتاۋبا. ءتۇسىم ەكەن عوي، ءتۇسىم ەكەن. بەي ۋاقتا ۇيىقتاۋعا بولمايتىنىن ءبىلۋشى ەم، ءبىراق قالعىپ كەتىپتىم.

ماۋباستىق دەپ ءوز- ءوزىمدى كىنالاسام دا، قاتتى شارشاعاندىكى عوي دەپ اقتاپ السام دا بولادى. ماسەلە وندا ەمەس. ءبىراق، ءبىرتۇرلى ءتۇس كوردىم. ءتۇستى جامان دەۋگە بولمايتىن بولعاسىن وسىلاي اتاپ وتىرمىن.

جانە ءتۇستى قاراڭعىدا ايتۋعا بولمايتىنىن دا بىلەم. سول ءۇشىن كەش باتىپ ۇلگەرمەي ايتىپ قالايىن دەپ سارتىلداتىپ تەرىپ وتىرمىن. ءوڭىم ەكەن دەيمىن، 2020 -جىل بولسا كەرەك. ەكسپونى وتكىزىپ تاستاعالى دا ءۇش جىل ءوتىپ كەتكەن ەكەن.

ەل ادەتتەگى جوققا شۇكىر، بارعا ءتاۋبا ايتىپ ءجۇر ەكەن. ءبىراق، كوشەلەر مەن ۇيلەرگە، اينالاعا قاراسام ءال-اۋقاتىمىز ارتقان سياقتى. ەكونوميكالىق ءوسىم بار بولعانى عوي دەپ قويام، كاك بۋدتو بىردەڭەدەن حابارى ادامعا ۇقساپ.

كوشەلەردە دە قازاق سانى باسىمداۋ ەكەن. جالپى جاعداي جامان ەمەس، تىزبەلەپ التىن ۋاقىتتارىڭدى الماي-اق قويايىن. وندا نەگە شوشىپ وياندىڭ دەۋلەرىڭ مۇمكىن. مەن مىنادان عانا قورىقتىم. باستىعىم نۇرلان اعا كەزدەسىپ قالىپ: اسسالاۋماعالەيكۋم نۇرلان اعا، دەپ قولىمدى سوزا جۇگىرىپ ەدىم بەتىمە اجىرايا قاراپ تۇردى دا كەتىپ قالدى. ەسىم اۋا باستاعانىن سەزدىم. قاتتى ۇقسايدى ءبىراق.

ايالدامادا تۇرعان كارىس قىز:

- ءسىز شاتاستىڭىز-اۋ دەيمىن، ول كىسى ايگىلى اقىن دارلان اعا عوي، - دەدى تاپ-تازا قازاق تىلىندە. و توبا، سوندا بۇل قازاقشا بىلەدى جانە ولەڭ وقيدى. ءبىر ۋاقتا تەلەفونىم شىرىلدادى. السام جەڭگەم ەكەن؛ -بيكوش مەن دارگۇل جەڭەشەڭ عوي، مەنى دار-مۇباراك مەشىتىنىڭ الدىنان الىپ كەتشى، - دەدى.

جىلاعىم كەلدى. قۇداي-اۋ، مەنىڭ اقىل ەسىمە نە بولدى؟ كادىمگى جەڭگەمنىڭ داۋسى. ءبىراق، ونىڭ اتى بۇنداي ەمەس. تاكسي ۇستاپ ۇيگە تارتايىن دەسەم قالتامدا قۇرعاپ تۇر ەكەن. ادەتتەگى بانكوماتقا قالتامداعى كارتوچكامدى سالىپ، پين كودتى ەنگىزىپ ەدىم، كارتوچكامدى جۇتىپ قويدى. قىزمەتكەر قىز «ءوز بانكىڭىزگە حابارلاسىڭىز» دەپ شىعارىپ سالدى. مەنىڭ بانكىم وسى عوي، كوكەم- اۋ. كارتوچكاما قاراپ ەدىم ءبارى دە دۇرىس. «نۇربانك» دەپ تۇر. بانكتىڭ ماڭدايشاسىنا قاراپ ەدىم كوزىم قاق بانكا بولدى. 3 ليترلىك دەمەي-اق قويايىن، كەمى ەكى لەتىرلىك بانكا بولدى. «داربانك» دەپ تۇر. سودان نە كەرەك «دارىلداعان» كۇيى ۇيگە كەلدىم... جول بويى دارىلداپ تۇر. كورشى نيۋرا اپاي وتىر؛ بالام بۇگىن كۇن دارلى بوپ تۇر ءيا، - دەپ قويادى. بۇل دا قازاقشا ۇيرەنىپ الىپتى. بۇرىن بىلمەيتىن. ءتاۋبا- ءتاۋبا دەيمىن ەسىم كىرەسىلى- شىعاسىلى. ۇيگە كىرە سالىپ نە بوپ كەتكەن دەسەم، وسىلاي بولدى دەيدى. پرەزيدەن كىم دەسەم، داريعا حانىم دەيدى. باسسە دەپتىم وتىرا كەتىپ. ەلباسىنىڭ ءوزى قايدا؟ بىلتىرعى جىلى ەل بولىپ، حالىق بولىپ راحمەت ايتىپ، ءوز رۇقساتىمەن زەينەتكە شىعاردىق. اقىماقتار-اۋ، وسى الەتكە جەتكىزگەن ەلباسىمىزدىڭ ءوزى قۇرعان ەل عوي نەگە ءبىر جىل بولماي جاتىپ، نۇردىڭ ءبارىن دار قىلدىڭدار؟ تەم بولەەە ەلدىڭ ىقىلاسىمەن ءوزى كەتسە دەدىم.

- وعان ءبىزدىڭ ساياسي ساۋاتىمىز جەتپەيدى عوي اعا، ءوزىڭىز بىلەسىز، - دەدى كوللەدجدە وقيتىن ءىنىم. بۇل دا ءوسىپ كەتىپتى. سوسىن مەن نەگە بۇنىڭ بارىنەن بەيحابارمىن، وسىنشاما ۋاقىت مەن قايدا بولدىم، اقىل ەسىمنەن اداسىپ تۇردىم با دەگەن كۇدىك كەتە باستادى. ءىنىمدى پودۆالعا ءتۇسىرىپ الىپ اقىرىن سۇرادىم. - ەي، مەنىڭ جاي-كۇيىمنەن حابارىڭ بار ما؟

- بار. ءسىز شەتەلگە قاشىپ كەتكەنسىز. سودان كەيىن كورىپ تۇرعانىم وسى.

 - ويباي-اي، ماما-اي مىناۋ نە دەيدى. قاشان؟ تەز ايت دەيمىن، ساعان قاشان قاشتىم؟

 - كىم بىلەدى، ۇمىتتىق قوي اعا. ايتەۋىر حراپۋنوۆتاردىڭ سوڭىن الا بەرە كەتكەنمسىز.

- نە دەيدى مىناۋ. ەي مەن نە ءۇشىن قاشتىم. مەن ەلدىڭ ەكى تيىنى تۇگىل ءبىر تيىنىن جەگەن ادام ەمەسپىن عوي. نە ءۇشىن قاشۋىم كەرەك مەن؟

 - ءبىلميم عوي، كوكە. اتام ايتەۋىر كوپ سويلەۋشى ەدى تىلىنەن تاپتى دەپ وتىرادى ەل- جۇرت سۇراي قالسا ءشاي ءىشىپ وتىرىپ. ءبىراق، ءسىزدى سوتتايمىز دەگەن، ساياسي قۋدالاعان دا ەشكىم جوق ەكەن. ءوز-وزىڭىزدەن شوشىپ قاشىپسىز عوي.

- قازىر كوشەگە شىعىپ جۇرە بەرسەم بولا ما سوندا؟

 - ءيا جۇرە بەرىڭىز، ءسىزدى كىم تانيدى. سىزدەي ادام بار ەكەنىن ءبىز دە ۇمىتىپ قالدىق قوي. ال، انا ساياسي قاشقىنداردى ءالى ىزدەپ جاتىر.

ءوستىپ جاتىپ وياندىم عوي. ۋۋۋۋۋۋۋۋحححح. ءتۇسىم ەكەن ءتۇسىم. مەن ءتۇسىم بولعانىنا نە ءۇشىن قۋاندى دەيسىزدەر. وسى ەلدەن كەتپەگەنىم ءۇشىن عانا. تۋعان جەرىمدە، ءوزىمنىڭ قۇجىرامدا جاتقانىما عانا قۋاندىم. باسقاسىندا نەم بار اكەم؟

 ساتيريك جازۋشى بەيبىت سارىبايدىڭ جەلىدەگى جازباسىنان