ورتالىق ازيانىڭ ەكونوميكاسى وسەدى

كەڭەستىڭ بولجامىنا سايكەس، ورتالىق ازيا ەلدەرىنىڭ ەكونوميكالارى وسەدى، دەپ حابارلايدى قازاقپارات ءتىلشىسى.

دۇنيەجۇزىلىك بانكتىڭ ەسەبىنە سايكەس، اعىمداعى جىلدا ورتالىق ازيانىڭ ەكونوميكالىق ءوسىمى شامامەن 2,7 پايىزدى قۇرايدى. قازاقستاندا - 2-3 پايىز، قىرعىزستاندا - 3-3,5 پايىز، تاجىكستاندا - 5-6 پايىز، ال وزبەكستان مەن تۇرىكمەنستاندا ەكونوميكالىق ءوسىم ورتاشا ەسەپپەن 6 پايىزدىڭ اينالاسىندا بولادى دەگەن بولجام بار.

«ارينە، ەنەرگيا رەسۋرستارىنىڭ باعاسى ەكونوميكالىق وسىمگە وڭ اسەرىن تيگىزەدى. ماسەلەن، Brent ماركالى مۇنايدىڭ باررەلى 55-70 دوللاردىڭ شاماسىندا بولادى. بۇدان بولەك، ينتەگراتسيالىق ۇدەرىستەردىڭ جاندانۋى ورتالىق ازياداعى ەكونوميكالىق جاعدايدى جاقسارتۋعا ءوز سەپتىگىن تيگىزەدى»، - دەيدى قازاقستاننىڭ حالىقارالىق قاتىناستار كەڭەسىنىڭ ءتوراعاسى ەرلان كارين.

ونىڭ ايتۋىنشا، قازىرگى بولجامعا قاراماستان، ورتالىق ازيانىڭ ەكونوميكالىق ءوسىمى الەمدەگى گەوساياسي جانە ەكونوميكالىق وزگەرىستەرگە بايلانىستى بولماق. ماسەلەن، ا ق ش- تىڭ فەدەرالدىق رەزەرۆ قىزمەتى ەسەپتىك مولشەرلەمەنى ارتتىراتىن بولسا، ۇلتتىق ۆاليۋتالار السىرەيدى، قارىز سومالارى ۇلعايادى، ينفلياتسيانىڭ ۇلەسى دە ارتا تۇسەدى. سونىڭ سالدارىنان ەكونوميكالىق ءوسىم تەجەلۋى ابدەن مۇمكىن.