ديماش قۇدايبەرگەن الەمدىك تۋرنەسىن ءۇزىپ، ۇيىنە ورالدى

استانا. قازاقپارات - تانىمال ءانشى ديماش قۇدايبەرگەن قىتايدىڭ فۋچجوۋ قالاسىندا كونسەرت بەرگەن سوڭ، قازاقستانعا ورالدى، دەپ حابارلايدى قازاقپارات.

جاس ءانشى الەمدىك تۋرنەسىن ءۇزىپ، قىسقا مەرزىمدىك دەمالىسقا شىقتى. بۇل تۋرالى ينستاگرامداعى پاراقشاسىندا جازدى.

«مەن قازاقستانعا كەلدىم. از-ماز دەمالىسىمدى اتا-انامنىڭ قاسىندا جانە ستۋديادا وتكىزەمىن. تۋرنەدە كورىسكەنشە قۇرمەتتىلەرىم»، - دەپ جازدى ديماش قۇدايبەرگەن جانكۇيەرلەرىنە.

سونىمەن قاتار ءانشى قىتايداعى قويىلعان جەكە كونسەرتىنەن ۆيدەو ءۇزىندى جاريالادى. وندا جانكۇيەرلەردىڭ قاتتى قولپاشتاعان داۋىسىن ەستۋگە بولادى. ديماش قۇدايبەرگەن ونەر كورسەتۋى بارىسىندا ساحنادان جانكۇيەرلەرىنە قاراي سەكىرەدى. الايدا كۇزەتشىلەر قازاقستاندىقتىڭ كونسەرتىنە كەلگەن كورەرمەندەر توبىنا قاۋىپسىزدىك ءۇشىن جاقىنداۋعا مۇمكىندىك بەرمەدى.

ديماش قۇدايبەرگەن بۇعان دەيىن چانشا قالاسىندا ونەر كورسەتكەن بولاتىن. ءانشى العاشقى الەمدىك تۋرنەسى اياسىندا ق ح ر- عا باردى. بۇعان دەيىن حابارلانعانداي، جاڭا جىلدى قازاقستاندىق ءانشى قىتايدا قارسى الدى.

ايتا كەتەرلىگى، ديماش قۇدايبەرگەن «2017 Golden mango melody awards» شاراسىندا «جىلدىڭ ۇزدىك تانىمال ءانشىسى» نوميناتسياسى بويىنشا ماراپاتتالدى.

ەسكە سالا كەتسەك، ءانشى جىلدىڭ باسىندا قىتايدىڭ «Singer 2017» ءان دوداسىندا ەكىنشى ورىن جەڭىپ الىپ، قىتاي جانە باسقا دا ەلدەردە تانىمالدىلىعى ارتا ءتۇستى.

اۆتور: جانىبەك امانگەلدى