ورماندا اداسقان بالالاردى يتتەرى قۇتقارىپ قالدى
16:34, 07 - قاڭتار 2018
استانا. قازاقپارات - رەسەيدىڭ سۆەردلوۆ وبلىسىندا قۇتقارۋشىلار ورماندا تاۋلىككە جۋىق ۋاقىت اداسىپ جۇرگەن ەكى جاس ءوسپىرىم بالانى ىزدەپ تاپتى، دەپ حابارلايدى وڭىرلىك ت ج م باسشىلىعىنىڭ سايتى.
حابارلامادا بالالاردىڭ كۋشۆى قالاسىنان 30 شاقىرىم جەردە ورمان ىشىنەن تابىلعانى ايتىلادى. ەكەۋىنىڭ دە جاعدايى ورتاشا، اياقتارىنىڭ وكشە تۇستارىن ۇسىك شالۋىنا بايلانىستى بالالار اۋرۋحاناعا جاتقىزىلعان.
جەرگىلىكتى ب ا ق تاراتقان اقپاراتتارعا سۇيەنسەك، جوعالعان جاس وسپىرىمدەر تۇندە ورمان ىشىندە تۇنەگەن. سىرىڭكە بولماعاندىقتان، وت جاعا الماعان. ۇلداردىڭ جاندارىنداعى ءتورت اياقتى دوستارى ولارعا جىلىنۋعا كومەكتەسىپتى.
بالالاردى ىزدەۋگە 200 دەن استام ادام جۇمىلدىرىلعان.