تورونتو اۋەجايىندا ەكى ۇشاق سوقتىعىسىپ قالدى

 استانا. قازاقپارات - كانادادا تورونتو قالاسىنداعى لەستەر پيرسون اتىنداعى ءىرى اۋەجايدا جۇما كۇنى ەكى ۇشاق سوقتىعىسىپ قالدى، دەپ حابارلايدى ت ا س س.

 ابىروي بولعاندا، وقىس وقيعادان ەشكىم زارداپ شەككەن جوق. WestJet اۋەكومپانياسى ءوزىنىڭ Twitter- ىندە مەكسيكالىق كانكۋننان كەلگەن Boeing 737-800 ۇشاعى تۇراقتان ەندى قوزعالا باستاعان Sunwing اۋەكومپانياسىنىڭ ۇشاعىنا سوعىلعاندىعىن جازدى. WestJet لاينەرىنىڭ بورتىندا 168 ادام بولعان. ولاردىڭ ءبارى ەۆاكۋاتسيالاندى. ال Sunwing ۇشاعىندا جولاۋشىلار بولماعان.