تاعى ءبىر جاس قازاق ءانشى فرانسيادا تانىلدى - فوتو

استانا. قازاقپارات - 2018 -جىل قازاق ونەرى ءۇشىن جاعىمدى جاڭالىقپەن باستالدى.

تاعى ءبىر وتانداسىمىزدىڭ ونەرىن شەتەلدىكتەر، اتاپ ايتساق، فرانسۋزدار جوعارى باعالادى. 12 جاسار سانات اسۋاتتىڭ ءانى 1 -قاڭتاردان باستاپ فرانسياداعى ايگىلى راديودان بەرىلۋدە، دەپ حابارلايدى Stan.kz.

«جاڭا جىل كەرەمەت جاڭالىقپەن باستالدى. سانات اسۋاتتى الداعى ۋاقىتتا فرانسۋز راديوسىنان تىڭداۋعا بولادى. 1 -قاڭتاردان باستاپ «SAUMUR» (فرانسيا، بەلگيا) راديوسىنان ساناتتىڭ ورىنداۋىنداعى لارا فابياننىڭ ءانى «Je' taim» بەرىلىپ جاتىر»، - دەپ ءبولىستى جاس تالانتتىڭ اناسى Facebook-تە.

ايتا كەتەيىك، سانات اسۋات بۇعان دەيىن رەسپۋبليكالىق، الەمدىك بايقاۋلارعا قاتىسقان. ول ماكەدونيادا وتكەن «زۆەزدوچكي» بايقاۋىندا گران-پري يەلەنگەن.