تەك سوعىس ەمەس، جاھاندىق جىلىنۋ دا بوسقىندار قاراسىنىڭ كوبەيۋىنە اسەر ەتىپ وتىر
كارى قۇرلىققا اعىلعان بوسقىندار قاراسىنىڭ ارتۋىنا تەك سوعىس پەن قارۋلى قاقتىعىستار نەمەسە ەكونوميكالىق سەبەپتەر عانا ەمەس، سونىمەن قاتار، جاھاندىق جىلىنۋ دا اسەر ەتىپ وتىر. ياعني، سولتۇستىك افريكا مەن تاياۋ شىعىستى جاھاندىق جىلىنۋدان قۇرعاقشىلىق جايلاپ كەلەدى.
دالىرەگى، ورتاشا اۋا تەمپەراتۋراسىنىڭ كوتەرىلۋى اتالعان ايماقتارداعى جەردى اۋىل شارۋاشىلىعىنا جارامسىز ەتۋدى. بۇل جايىندا امەريكالىق كولۋمبيا ۋنيۆەرسيتەتىنىڭ ماماندارى مالىمدەدى.
زەرتتەۋ اۆتورلارىنىڭ تۇجىرىمداۋىنشا، سوڭعى بىرنەشە جىلدىڭ ىشىندە 103 اگرارلى مەملەكەتتەگى اۋا تەمپەراتۋراسى قاتتى كوتەرىلگەن نەمەسە تومەن تۇسكەن.
اتالعان جوعارعى وقۋ ورنىنىڭ پروفەسسورى ۆولفرام شلەنكەردىڭ ايتۋىنشا، بۇل قۇبىلىس ءوز كەزەگىندە ادامداردىڭ كۇنكورىس كوزىن ىزدەپ، كليماتى جايلى ەلدەرگە اعىلۋىنا اپارىپ سوقتىرۋدا.