قازاقستان بىرىككەن ۇلتتار ۇيىمىنىڭ قاۋىپسىزدىك كەڭەسىنە ءتوراعالىق ەتۋدى باستادى - فوتو
بۇل تۋرالى قازاقپارات ق ر س ءى م باسپا ءسوز قىزمەتىنە سىلتەمە جاساپ حابارلايدى.
ايتا كەتەيىك، رەداكسيامىز ب ۇ ۇ- نىڭ نيۋ-يوركتەگى ورتالىق وفيسىنەن تۇسىرىلگەن ەكسكليۋزيۆتى فوتونى جاريالاۋ مۇمكىندىگىنە يە بولدى.
ءتوراعا قاۋىپسىزدىك كەڭەسىنىڭ قىزمەتىنە جالپى باسشىلىق ەتەدى، ب ۇ ۇ حاتشىلىعىنىڭ كومەگىمەن قاۋىپسىزدىك كەڭەسىنىڭ كۇندەلىكتى ۇزدىكسىز جۇمىسىن قامتاماسىز ەتەدى. ءتوراعالىقتىڭ مىندەتتەرىنە قاۋىپسىزدىك كەڭەسى مۇشەلەرىنىڭ كەلىسىمى بويىنشا كەڭەستىڭ اتىنان، سونداي- اق بەيرەسمي كونسۋلتاتسيالار بارىسىنداعى تالقىلاۋلاردىڭ قورىتىندىلارى بويىنشا جانە قاۋىپسىزدىك كەڭەسى ءاردايىم قانداي دا ءبىر قۇجاتتىڭ ءماتىنى بويىنشا كەلىسىمگە قول جەتكىزگەن كەزدە باسپا ءسوز الدىندا مالىمدەمەلەر جاساۋ كىرەدى. 2 -قاڭتاردا ب ۇ ۇ قاۋىپسىزدىك كەڭەسىنە مۇشە ەلدەردىڭ تۇراقتى وكىلدەرى قاڭتار ايىندا ءتوراعالىقتىڭ باعدارلاماسىن قاراستىرىپ، قابىلدايدى دەپ كۇتىلۋدە.
سونىمەن قاتار قاۋىپسىزدىك كەڭەسى مۇشەلەرى بولىپ تابىلمايتىن ب ۇ ۇ- عا مۇشە ەلدەر، باسپا ءسوز بەن ۇكىمەتتىك ەمەس ۇيىمدار ءۇشىن كەڭەس جۇمىسىنىڭ باعدارلاماسى تۋرالى بريفينگتەر وتكىزىلەدى. قازاقستاننىڭ باستاماسىمەن كەڭەستىڭ تۇراقتى ەمەس مۇشەلەرى رەتىندە ەكى جىلدىق مەرزىمگە سايلانعانىنا بايلانىستى قاۋىپسىزدىك كەڭەسىندە العاش رەت كوت- د'يۆۋار، كۋۆەيت، نيدەرلاند، پەرۋ، پولشا جانە ەكۆاتوريالدى گۆينەيا ەلدەرىنىڭ بايراقتارىن رەسمي تۇردە ورناتۋ ءراسىمى وتەدى.
18 -قاڭتاردا پرەزيدەنت نۇرسۇلتان نازاربايەۆتىڭ توراعالىعىمەن ب ۇ ۇ ق ك مۇشەلەرىنىڭ «جاپپاي قىرىپ- جويۋ قارۋىن تاراتپاۋ: سەنىمدى نىعايتۋ شارالارى» تاقىرىبىندا جوعارى دەڭگەيدەگى تاقىرىپتىق پىكىرتالاستارى وتەدى.
19 -قاڭتاردا «قاۋىپسىزدىك پەن دامۋدىڭ ءوزارا تاۋەلدىلىك ۇلگىسى رەتىندە اۋعانستان مەن ورتالىق ازياداعى وڭىرلىك ارىپتەستىكتى قۇرۋ» تاقىرىبىندا ب ۇ ۇ ق ك- نىڭ مينيسترلىك پىكىرتالاسى وتەدى. ورتالىق ازيا مەن اۋعانستان ەلدەرىنىڭ سىرتقى ىستەر مينيسترلەرى، سونداي- اق ب ۇ ۇ قاۋىپسىزدىك كەڭەسىنە مۇشە ەلدەرى سىرتقى ساياسي ۆەدومستۆولارىنىڭ باسشىلارى قاتىسادى دەپ كۇتىلۋدە.
25 -قاڭتاردا ب ۇ ۇ قاۋىپسىزدىك كەڭەسىندە ب ۇ ۇ- عا مۇشە مەملەكەتتەردىڭ تۇراقتى وكىلدەرى دەڭگەيىندە «تاياۋ شىعىستاعى جاعداي، سونىڭ ىشىندە پالەستينا ماسەلەسى» تاقىرىبىندا توقسان سايىنعى اشىق پىكىرتالاستارى وتەدى.
سونىمەن قاتار ءداستۇرلى تۇردە قاڭتار ايىندا قازاقستان ءتوراعالىعىنىڭ اياسىندا كەڭەستە سيريا، ليۆيا، كونگو دەموكراتيالىق رەسپۋبليكاسى، ورتالىق افريكا رەسپۋبليكاسى، دارفۋر، باتىس افريكا جانە ساحەل، وڭتۇستىك سۋدان، مالي، سومالي، كيپر جانە كولۋمبيا ەلدەرىندەگى جاعداي بويىنشا اشىق جانە جابىق پىكىرتالاستارى وتەدى. ءتوراعانىڭ ءبىرقاتار قارارلارى مەن مالىمدەمەلەرىنىڭ قابىلدانۋى جوسپارلانۋدا.
2017-2018 ج ج. ب ۇ ۇ قاۋىپسىزدىك كەڭەسىنىڭ مۇشەسى رەتىندەگى قازاقستاننىڭ باسىمدىقتارى پرەزيدەنت ن. نازاربايەۆتىڭ ب ۇ ۇ قاۋىپسىزدىك كەڭەسىنە ارنالعان «قاۋىپسىز، ءادىل جانە گۇلدەنگەن الەم قۇرۋ ءۇشىن جاھاندىق ارىپتەستىكتى نىعايتۋعا قازاقستاندىق تۇجىرىمدامالىق كوزقاراس» اتتى ساياسي جولداۋىندا كورسەتىلگەن.
ولار جەتەۋ: I) يادرولىق قارۋسىز الەمدى جاقىنداتۋ؛ II) جاھاندىق سوعىس قاتەرىن بولدىرماۋ جانە جەرگىلىكتى جانجالداردى رەتتەۋ؛ III) وڭىرلىك قاۋىپسىزدىك پەن ىنتىماقتاستىقتى نىعايتۋدا ورتالىق ازيانىڭ مۇددەلەرىن ىلگەرىلەتۋ؛ IV) تەرروريزمگە قارسى كۇرەس؛ V) افريكاداعى بەيبىتشىلىك پەن قاۋىپسىزدىك ماسەلەلەرى؛ VI) قاۋىپسىزدىك پەن ورنىقتى دامۋدىڭ اراسىنداعى اجىراماس بايلانىستاردى قامتاماسىز ەتۋ؛ VII) قاۋىپسىزدىك كەڭەسى مەن بۇكىل ب ۇ ۇ جۇيەسىن XXI عاسىردىڭ قاۋىپ-قاتەرلەرىنە بەيىمدەۋ.
ب ۇ ۇ قاۋىپسىزدىك كەڭەسىندە ءتوراعالىق ەتۋ جوعارى حالىقارالىق مارتەبە بولىپ تابىلادى، سەبەبى قاۋىپسىزدىك كەڭەسى ماجبۇرلەۋ شارالارىنا، ەكونوميكالىق سانكتسيالارعا نەمەسە ۇجىمدىق اسكەري ارەكەتتەرگە قاتىستى شەشىمدەر قابىلداي الادى. ب ۇ ۇ- نىڭ جارعىسىنا سايكەس قاۋىپسىزدىك كەڭەسى بەيبىتشىلىك پەن حالىقارالىق قاۋىپسىزدىكتى قامتاماسىز ەتۋ ءۇشىن باستى جاۋاپكەرشىلىكتى وزىنە جۇكتەيدى جانە ب ۇ ۇ- نىڭ بارلىق مۇشەلەرى ونىڭ شەشىمدەرىنە باعىنۋعا مىندەتتى.