مۇنداي قورىتىندىنى ءۇندىستاننىڭ چەنناي قالاسىنداعى شري راماچاندرا ۋنيۆەرسيتەتىنىڭ ماماندارى جاسادى. بۇل تۋرالى Times of India گازەتى جازدى، دەپ حابارلايدى Вaq.kz اقپارات اگەنتتىگى ria.ru باسىلىمىنا سىلتەمە جاساپ.
زەرتتەۋگە چەنناي جانە جاقىن ماڭداعى ەكى ەلدى مەكەننىڭ 1200 جۇكتى ايەلى قاتىستى.
باسىلىمنىڭ جازۋىنا قاراعاندا عالىمدار بىرنەشە رەت تەست جاساعان. لاس اۋادا ديامەترى 2,5 مكم بولاتىن ءاربىر 10 ميكروگرامم اۋا بولاشاق بالانىڭ سالماعىن 4 گرامعا ازايتىپ وتىرادى. ماماندار سالماعى از بولىپ تۋىلعان نارەستەدە جۇرەك اۋرۋى، جوعارى قان قىسىمى جانە ديابەتتىڭ قاۋپى جوعارى بولادى دەپ ەسكەرتتى.
زەرتتەۋ اۆتورلارى قالاداعى اۋانى كولىكتەر، ال اۋىلدىق جەردە كومىر، سۇرەك جاعىپ لاستايتىنىن جەتكىزدى.
ءۇندىستاننىڭ دەنساۋلىق ساقتاۋ مينيسترلىگىنىڭ دەرەكتەرىنە سايكەس، ەلدە ءاربىر التىنشى ءسابي سالماعى 2,5 كيلوگرامعا دەيىن از بولىپ تۋادى.