اتالعان زاڭ جوباسى جول ەرەجەسىن بۇزعان جۇرگىزۋشىلەر ءۇشىن ايىپپۇلداردى تومەندەتۋدى كوزدەيدى.
«2017 -جىلى 28 - جەلتوقساندا ەلباسى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر ەنگىزۋ تۋرالى زاڭىنا قول قويدى. زاڭ رەسمي جاريالانعاننان كەيىن، ياعني 10 كۇننەن سوڭ كۇشىنە ەنەدى. وسى زاڭمەن جول ءجۇرىسىن بۇزعان جۇرگىزۋشىلەر ءۇشىن قىلمىس قۇرامىنىڭ 22 ءتۇرى بويىنشا ايىپپۇلدار سانىن ازايتۋ كوزدەلەدى» ، - دەدى ول.
وسى ورايدا اكىمشىلىك پوليتسيا كوميتەتىنىڭ ءبولىم باستىعى قانداي قۇقىق بۇزۋشىلىقتار بويىنشا ايىپپۇلدار تومەندەيتىنىنە توقتالدى.
«قازىرگى تاڭدا مۇگەدەكتەردىڭ كولىك قوياتىن ورنىنا ازامات ءوز كولىگىن قويسا، وعان 50 ا ە ك كولەمىندە ياعني 120 مىڭ تەڭگە ايىپپۇل سالىنادى. اتالعان زاڭ بويىنشا بۇل جازانى 10 ا ە ك- كە ياعني 22 مىڭ تەڭگەگە ازايتۋ كوزدەلىپ وتىر. سونىمەن قاتار مىسالى جىلدامدىقتى اسىرعان جاعدايدا ايىپپۇل مولشەرى قازىرگى تاڭدا 10 ا ە ك بولسا، ونى 5 ا ە ك- كە ازايتۋ قاراستىرىلعان» ، - دەدى ول.
بريفينگتە نۇرسەيىت ابىشيەۆ كەيبىر قۇقىق بۇزۋشىلىقتار بويىنشا جۇرگىزۋشىلەر ءۇشىن جازانىڭ جەڭىلدەگەنىن اتاپ ءوتتى.
«ىشكى ىستەر ورگاندارىنىڭ قىزمەتكەرلەرى جۇرگىزۋشىلەردى توقتاتىپ، ونىڭ زاڭدى تالابىنا باعىنباعان كولىك يەلەرى بۇگىندە 1 جىلعا دەيىن كولىك قۇرالىن باسقارۋ قۇقىعىنان ايىرىلادى. ال اتالعان زاڭ كۇشىنە ەنسە، بۇل جازا 6 ايعا دەيىن قىسقارادى. جولدىڭ قارسى بەتىنە شىعىپ كەتكەن جاعدايدا زاڭ بوينىشا 1 جىلعا دەيىن مەرزىمدە كولىك يەسى جۇرگىزۋشى كۋالىگى مەن كولىكتى باسقارۋ قۇقىعىنان ايىرۋ جازاسى قولدانىلاتىن. ال ەندى جۇرگىزۋشى وسى ارەكەتى ءۇشىن 30 ا ە ك كورسەتكىش كولەمىندەگى ايىپپۇل تولەيدى» ، - دەدى اكىمشىلىك پوليتسيا كوميتەتىنىڭ ءبولىم باستىعى.
سونىمەن قاتار ابىشيەۆتىڭ ايتۋىنشا، جۇرگىزۋشىلەر 7 كۇننىڭ ىشىندە ايىپپۇلداردى تولەسە، ولارعا P جەڭىلدىك جاسالادى.
Baq.kz