بولگاريادا قازاقستاننىڭ قۇرمەتتى كونسۋلدىعى اشىلادى

استانا. قازاقپارات - بولگاريانىڭ حالىقتىق كەڭەسى ەلدە قازاقستاننىڭ جاڭا قۇرمەتتى كونسۋلدىعىن اشۋ تۋرالى شەشىم قابىلدادى، دەپ حابارلايدى قازاقپارات بولگاريانىڭ euscoop.com پورتالىنا سىلتەمە جاساپ.

حالىقتىق كەڭەس شەشىمىمەن قازاقستاننىڭ جاڭا قۇرمەتتى كونسۋلدىعى ۆارنا قالاسىندا اشىلادى. كونسۋلدىق ۆارنەنسكايا، گابروۆسكايا، ۆەليكوتىرنوۆسكايا، رۋسەنسكايا، تىرگوۆيشتسكايا، رازگرادسكايا، شۋمەنسكايا، سيليسترەنسكايا جانە دوبريچسكايا وبلىستارىن قامتيدى.

دەمەك، بولگاريادا قازاقستاننىڭ ەكى قۇرمەتتى كونسۋلدىعى جۇمىس ىستەيدى. ءبىرىنشى مەكەمە بلاگويەۆگراد قالاسىندا ورنالاسقان.

ۆارنا قالاسىنىڭ تۇرعىنى يۆان يۆانوۆ قازاقستاننىڭ قۇرمەتتى كونسۋلى مىندەتىن اتقاراتىن بولادى.

ايجان سەرىكجان قىزى