الماتىلىق وقۋشىلار باسقۇر جاساپ، كيىز باسۋدى، بىلەزىك ازىرلەۋدى ۇيرەنبەك

مۋزەيدە شەبەرلەر بالالارعا قولونەر بۇيىمدارىن جاساۋدى ۇيرەتپەك، دەپ حابارلايدى قازاقپارات ءتىلشىسى.

«دەمالىستى بىرگە وتكىزەيىك!» شاراسى 2018-جىلدىڭ 3-7- قاڭتار كۇندەرى ۇيىمداستىرىلماق. مۋزەيدىڭ وكىلدەرىنىڭ حابارلاۋىنشا، بالالار باسقۇر جاساپ، كيىز باسۋدى، بىلەزىك ازىرلەۋدى ۇيرەنبەك.

«بۇل كۇندەرى «عاجايىپ شام» قىش قۇيۋ شەبەرحاناسى جۇمىس ىستەيدى. كەراميكالىق ءونىمدى وقۋشى وزىمەن بىرگە الىپ كەتە الادى. 3- قاڭتاردا مينياتيۋرا تەحنيكاسىندا كەراميكالىق مۇسىنشەنى بەزەندىرەمىز. جاڭا بىلەزىكتى دە وقۋشى ءوز قولىمەن جاساپ الا الادى.

4- قاڭتاردا كونە باسقۇر تەحنيكاسىن ۇيرەنەمىز. سونداي-اق، سىزدەر ءۇشىن وسى كۇنى قىش بۇيىمدار شەبەرحاناسى جۇمىس ىستەيدى.

جۇما كۇنى، 5- قاڭتاردا كيىزدەن اكسەسسۋارلار جاسايمىز. سەنبى كۇنى، 6- قاڭتاردا، شەبەرلەردىڭ جەتەكشىلىگىمەن ءبىز ساندىك ۇلتتىق ۇلگىلەرمەن پاننو توقۋمەن اينالىساتىن بولامىز»، - دەلىنگەن حابارلامادا.

بالالارعا قولونەر بۇيىمدارى بويىنشا ساباقتار اقىلى، 1200 تەڭگەدەن باستاپ، 2000 تەڭگە ارالىعىندا بولماق.