ول سول پارككە ءتيىپ تۇرعان باعاسى 10 ميلليون ا ق ش دوللارى تۇراتىن ۇيدە وسكەنىن سىرت كوز ەلەستەتپەيتىن دە شىعار. 63 جاستاعى مارياننا مانحەتتەندەگى ەڭ باي كاسىپكەردىڭ مۇراگەرى رەتىندە اۋقاتتىلار اراسىندا وسكەن.
ول بايدىڭ بالالارى وقيتىن جەكەمەنشىكتەگى مەكتەپتى ءبىتىرىپ، بالەت ونەرىمەن اينالىسقان. اناسىنىڭ ولىمىنەن كەيىن ولاردىڭ ءومىرى كۇرت وزگەرىپ سالابەرگەن.
اناسى ومىردەن وتكەننەن كەيىن مارياننا كۇيزەلىسكە ءتۇسىپ، ناشاقورلىققا سالىنعان. جاقىندا عانا ءۇيسىز، دالادا قاڭعىپ قالدى. ەندى ول اشىق اسپان استىندا تۇرادى.
«مەن حان سارايىنداي ۇيدە ءوستىم. ومىردە ءبارى وزگەرىپ كەتەسالادى دەگەن راس يا؟»، - دەپ باستادى مارياننا ءوز ءسوزىن New York Post باسىلىمىنىڭ جۋرنالىنىڭ تىلشىسىنە بەرگەن سۇحباتىن.
ول كۇيەۋى فرەنكپەن بىرگە ورتالىق ساياباققا تولىقتاي كوشىپ كەلىپ العان. زاتتارىن قوقىس سالۋعا ارنالعان قاپقا سالىپ، پورولون توسەكتە ۇيىقتاپ ءجۇر.
ايەل پارك-اۆەنيۋ كوشەسىندەگى 940- ۇيدە وسكەن. ول وتباسىمەن 370 شارشى مەتردى قۇرايتىن ۇيدە تۇرعان. ونىڭ ءىشى ارنايى ديزاينمەن بەزەندىرىلگەن.
قازىر ونىڭ باعاسى 10 ميلليون دوللار تۇرادى. ءبىراق اناسىنىڭ قازاسىنان كەيىن مارياننا ونى 3 ميلليون دوللارعا ساتىپ جىبەرگەن. ول اقشانى اپكەسى دجوردجينا ەكەۋى قالاعان زاتتارىنا جاراتىپ تاستاعان. قىزدار ءوز ۋاقىتىندا تانىمال بولعان كاسىپكەر يسيدور كاپلانانىڭ نەمەرەلەرى. مانحەتتەننەن شىققان كاسىپكەردىڭ ماتا شىعاراتىن ءوندىرىس ورنى بولعان.
مارياننا فريدمان 1971 -جىلى مەكتەپ بىتىرگەننەن كەيىن.
قازىر مارياننانىڭ 1950-1960 -جىلدارعى باقىتتى بالالىق شاعىنان ەشتەڭە دە ەسىندە قالماعان. ونىڭ اناسى قاتتى كۇيزەلىسپەن اۋىرىپ، كەيدە دولىلىققا سالىناتىن بولعان.
«ەسىمدەسى، انام كيىم قالدىراتىن بولمەدە بىلاي وتىراتىن»، - دەپ مارياننا ساياباقتاعى ورىندىققا جايعاستى.
مەكتەپ ءبىتىرۋ كەشىندە مارياننانىڭ شاشى ۇزىن. بارىنشا شىنايى كۇلىپ كامەراعا ەمەس باسقا جاققا كوز سالىپ تۇر. ول ءبي ونەرىنە باۋلىيتىن اتاقتى كالحۋن (Calhoun School) مەكتەبىن بىتىرگەن. وسىدان كەيىن ءبىر جىل وتكەندە اتاسى قايتىس بولىپ، اناسى وتباسىلىق كاسىپتى ساتىپ جىبەرگەن.
سول كەزدە مارياننا ۇيىنەن كەتىپ قالعان. ول كەزدە مارياننا بوستون ۋنيۆەرسيتەتىندە مەدبيكەلىكتى ءبىتىرىپ، العاش رەت تۇرمىسقا شىققان ەدى. تۇڭعىشى جيزەل دۇنيەگە كەلگەن. 30 جىل بۇرىن ف ب ر-دە قىزمەت ەتكەن ونىڭ جارى جۇمىس بويىنشا نيۋ-يورككە كوشەتىن بولدى. ولار مارياننا وسكەن اۋداندا تۇرعان. ءبىراق، سول جىلى ولار اجىراسىپ، جيزەل اكەسىمەن كەتىپتى.
مارياننا قىزىن ءۇش جاستا كەزىندە سوڭعى مارتە كورىپتى.
«مەن قىزىمنىڭ كەتەتىن كۇنى نە كيىپ العانىن بىلەم، ءالى ەسىمدە. ونىڭ ۇستىندە كوك جەيدە بولدى، تومەنگى جاعىندا قىزىل سىزىقتارى بار. شاحمات تاقتاسىنداعى بەينەدەي. مىنە سولاي. مەن قىزىمدى قازىرگە دەيىن ەلەستەتىپ وتىرامىن. كۇن ساناپ بەينەسى مازا بەرەر ەمەس. اسىرەسە ساياباقتا جۇرگەن بالالاردى كورگەن كەزدە. باسقا دۇنيە جايلى سويلەسسەك»، - دەيدى مارياننا.
مارياننا اناسى مەن اپكەسىمەن ەشقانداي دا ارالاسپاي قويعان. جيزەلدى اكەسى باققانى دۇرىس دەيدى ول. مارياننا قاتتى كۇيزەلىستەن شىعا الماي اۋىرعان.
قىرىق جاستان اسقان كەزدە اپتاسىنا ءتورت مارتە ناشا قابىلدايتىن دەڭگەيگە جەتىپتى. اناسىنىڭ ولىمىنەن كەيىن ولار اپكەسى ەكەۋى ورتاق ءۇيدى ساتىپ جىبەرىپ، اقىسىن تەڭدەي ءبولىپ الادى. سول كەزدە قازىرگى كۇيەۋى فرەنكپەن تانىسقان. ونىڭ جاسى 59 دا. قۇرلىسشى بولىپ جۇمىس ىستەگەن. ولار 2000 -جىلى ۇيلەنىپ، لونگ-ايلەندتەن ءۇي العان. ءبىراق قارجىلاي قيىندىق تۋعان كەزدە ساتىپ جىبەرگەن.
دالادا قالعان جۇپ، قۇربىلارىنىڭ ۇيىندە تۇرعان. ول راكپەن اۋىرىپتى. مارياننا ونىڭ اس- اۋقاتىن ازىرلەپ، كومەكتەسكەن كورىنەدى. قۇربىسى قايتىس بولعاننان كەيىن بۇلار ول ۇيدەن دە قۋىلعان.
مارياننا تۇرعان ءۇي.
مارياننا مەن ونىڭ كۇيەۋىنە قۇقىق قورعاۋشى كومەكتەسپەكشى بولىپ ءجۇر. ايتۋىنشا جاعدايدى تۇسىندىرسە، جەرگىلىكتى بيلىك ەسكى دە بولسا پانالاۋعا باسپانا بەرۋى مۇمكىن. ايتپەگەن جاعدايدا مارياننا قىستا دالادا ءۇسىپ كەتۋى مۇمكىن.
مارياننا مەن فرەنك كەي كەزدەرى دوستارىنىڭ ۇيىنە بارىپ تۇنەپ قايتادى. ايەل قانداي جاعداي بولماسىن، ءوز كوڭىلىن كوتەرىپ جۇرۋگە تىرىساتىنىن جاسىرمايدى.
«مەن ءوزىن-ءوزى ولتىرۋگە بولادى دەگەنگە سەنبەيمىن. مەن كۇلەتىن زات تاپپاي قالسام اعاشقا شىعىپ، جەرگە سەكىرىپ-اق كۇلەمىن»، - دەيدى مارياننا.