مينيسترلىك كونتەينەرلىك تاسىمالدان تۇسەتىن تابىستى ەسەپتەپ قويدى
«بيىل «COSCO Shipping» كومپانياسى «قورعاس» ارنايى ەكونوميكالىق ايماقتىڭ 49 پايىزدىق ۇلەسىن ساتىپ العان بولاتىن. بۇل دەگەنىمىز، قىتايدان ەۋروپاعا باراتىن كونتەينەرلەردىڭ سانى ارتادى. ول جاعىنان COSCO Shipping الەمدىك كوشباسشى بولىپ سانالادى.
ال ونداي كومپانيا بىزگە، ياعني «قورعاسقا» كەلسە، كونتەينەرلىك تاسىمالدىڭ باسىم بولىگى قازاقستان ارقىلى وتەدى. ءبىزدىڭ ەسەبىمىزگە سايكەس، 2020-جىلعا قاراي ترانزيتتىك تاسىمالدان جىل سايىن 3-4 ميلليارد دوللار تۇسەدى»، - دەيدى ۆيتسە-مينيستر ەرلان قايىروۆ.
ايتا كەتەيىك، الداعى ۋاقىتتا ارنايى ەكونوميكالىق جانە يندۋستريالىق ايماقتاردا جەردى بەرۋ شارالارىن بارىنشا وڭتايلاندىرۋ جوسپارلانعان. وسىعان وراي، بۇگىن ق ر ينۆەستيتسيالار جانە دامۋ ۆيتسە-ءمينيسترى ەرلان قايىروۆ پارلامەنت ءماجىلىسىنىڭ دەپۋتاتتارىنا ارنايى زاڭ جوباسىن تانىستىردى. ال دەپۋتات باقتيار ماكەن «الاتاۋ» پاركىنىڭ ماسەلەسىن تاعى كوتەردى.
اۆتور: ارمان اسقاروۆ