بۇل كۇنى اسەم ءان مەن ءتاتتى كۇي، مىڭ بۇرالعان بيشىلەرىمىز بەن سان الۋان باعدارلامالار ەفيردىڭ اجارىن اشا تۇسەدى.
ءدال وسى كۇندەرى جۇلدىزدار جاۋعان كۇندەر بولعالى تۇر. سەبەبى بارلىق باعدارلامالاردا ونەر يەلەرى مەن قوعام قايراتكەرلەرى، جۇرگىزۋشىلەر مەن سپورتشىلار قوناق بولادى.
«انا مەن بالا» باعدارلاماسى ناعىز مەرەكەلىك الاڭعا اينالادى. بالالار تابيعي داۋىستا اندەتىپ، استانا سيركىنەن كەلگەن كلوۋن مەن ءيت ەرەكشە ونەر كورسەتپەك.
«جاڭا جىل - نەگىزىنەن، بالالار مەرەكەسى. سوندىقتان «انا مەن بالا» باعدارلاماسى بالالارعا ەرەكشە توسىنسىي ازىرلەدى. «ورمانداعى جاڭا جىل» دەپ اتالاتىن ەرتەگىلىك قويىلىم اڭدار الەمىنە ساياحات جاساۋعا مۇمكىندىك بەرسە، اياز اتا مەن اقشاقار جاڭاجىلدىق كوڭىل كۇي سىيلايدى»، - دەيدى جوبا پروديۋسەرى اسەل تۇرسىنعازينا.
سونىمەن قاتار «كتو ۆوزمەت ميلليون» جوباسىنىڭ مەرەكەلىك شىعارىلىمدارىنا دا ونەر سالاسىنىڭ ماماندارى مەن «حابار» اگەنتتىگىنىڭ جۇرگىزۋشىلەرى قاتىسادى.
كەز كەلگەن تۇسىرىلىمگە دايىندىق «گريمەركادان» باستالادى. بۇگىن بۇل بولمەنىڭ استاڭ- كەستەڭى شىعىپ، ارلەۋشى قىزدار ابدەن ابىگەرگە ءتۇستى. ءبىراق، جۇمىستىڭ ناتيجەسىن كورگەن كەزدە شارشاعانىڭدى دا ۇمىتاسىڭ.
سانجار مادييەۆ پەن نۇرتاس ادامباي، ءدىلناز احمادييەۆا مەن نۇرلان ابدۋللين، لاۋرا جاقىپوۆا مەن يۆان تۋلينوۆ سىندى تانىمال تۇلعالارىمىز سەرىك اقىشەۆتىڭ سان سۇراعىنا جاۋاپ بەرۋگە تىرىسادى.
قالاي ويلايسىز ميلليون كىمگە بۇيىرادى؟ ءبىزدىڭ ونەرپازدارىمىز بەن جۇرگىزۋشىلەرىمىزدىڭ قالتالارى قوماقتى قارجىمەن تولىعار ما ەكەن؟ جاۋابىن بىلگىڭىز كەلسە، «كتو ۆوزمەت ميلليون» جوباسىنىڭ مەرەكەلىك ساندارىن وتكىزىپ الماڭىزدار.
ءداستۇرلى تۇردە جىل سايىن وتكىزىلەتىن «ۇلتتىق مۋزىكالىق جۇلدە» بايقاۋى دا «حابار» ارناسىنىڭ كورەرمەنىن قۋانتارى ءسوزسىز. بيىلعى جىلى ىرىكتەۋدەن وتكەن 70 ءارتىستىڭ 20 سى جۇلدەگەر اتاندى. الماتىدا وتكەن مۋزىكالىق ماراپاتتاۋ كەشىندە انشىلەر حيت اندەرىن ورىنداپ، قالىڭ كوپشىلىككە كەرەمەت اسەر سىيلاعان ەدى.
سونىمەن قاتار 31- جەلتوقسان كۇنى كەشكى 22.00 دەن باستاپ «بەرەكەلى جاڭا جىل» شوۋى باستالادى.
شارانى سەرىك اقىشەۆ، مايا بەكبايەۆا، نۇرسۇلتان قۇرمان، نۇرسۇلتان ەسجان، سەرىك ءشارىپ، مارات ورالعازين، ەركە ەسماحان جۇرگىزەدى.
«بيىل جاڭا جىلدا ءاربىر قازاقستاندىقتىڭ كوڭىل-كۇيىن كوتەرۋ ءۇشىن، ادەمى ءازىل، جاقسى ءان دايىنداپ جاتىرمىز. «حابار» ارناسىنىڭ كورەرمەندەرىن قازاق ەستراداسىنىڭ بارلىق انشىلەرى قۇتتىقتاپ، ەڭ تانىمال اندەرىن ورىندايدى»، - دەيدى جوبا جەتەكشىسى گۇلنۇر ماماساريپوۆا.
بۇل باعدارلامانىڭ «بەرەكەلى جاڭا جىل» دەپ اتالۋىنىڭ باستى سەبەبى كەلەسى جىلى ءبىزدىڭ ەلىمىزدە كوپتەگەن ايتۋلى وقيعالار بولادى. ماسەلەن، استانا قالاسىنىڭ 20 جىلدىعى. سول سەبەپتى مەملەكەتىمىزدە بەرەكە، بىرلىك، تابىس بولسىن دەگەن نيەت بولدى دەيدى ارنا باسشىلىعى.
سونىمەن قاتار ارنايى وسى باعدارلاما ءۇشىن بىرنەشە دۋەت جازىلعان. ماسكەۋ قالاسىنان قوناقتار شاقىرىلىپتى. سونداي-اق ونەر يەلەرىنىڭ ءبىرازى بۇرىن ەش جەردە ورىنداماعان جاڭا اندەرىن وسى ساحنادا ورىندايدى.
تاعى جاڭا جىلدىق دەمالىس كۇندەرى ەڭ ۇزدىك كينولار مەن بالالارعا ارنالعان مۋلتفيلمدەر دە بولادى. ولاي بولسا جاڭا 2018-جىلدى «حابار» ارناسىمەن قارسى الىڭىزدار!