كورشىلەس جاتقان ءۇش ەل اراسىنداعى تەمىرجول باعدارى الداعى ءساۋىر ايىنا دەيىن تولىق جاسالادى. بۇل تۋرالى قىرعىزستاننىڭ وزبەكستانداعى ەلشىسى دانيار سىدىقوۆ ايتتى.
«تاشكەنتتە وسى جوبا بويىنشا بۇگىن ءۇش ەلدىڭ دەلەگاتسيالارىنىڭ قاتىسۋىمەن كەزدەسۋ ءوتتى. تاراپتار جوبانى جۇزەگە اسىرۋعا باعىتتالعان پراكتيكالىق شەشىمدەردى قابىلدادى، ناقتى مەرزىم بەلگىلەندى. ساۋىردە كەزەكتى وتىرىس وتەدى. سوعان دەيىن تاراپتار تەمىرجولدىڭ باعدارىننىڭ جوباسىن تولىعىمەن جاساپ بىتىرەدى»، - دەدى ەلشى.
ونىڭ سوزدەرىنە قاراعاندا، ءۇشجاقتى كەزدەسۋ بارىسىندا تاراپتار تامىزدا جوبانىڭ تەحنيكالىق- ەكونوميكالىق نەگىزدەمەسىن جاساۋ جونىندە كەلىسىم جاسالىپ، كەلەر جىلدىڭ سوڭىنا دەيىن قارجىلىق ماسەلەلەر رەتتەلۋى ءتيىس.
بولجامدارعا سايكەس، جاڭا ماگيسترالدىڭ ىسكە قوسىلۋى اتالعان ەلدەردىڭ ونىمدەرىن باتىس ازيا مەن تاياۋ شىعىس نارىعىنا شىعارۋعا مۇمكىندىك اشادى. ول قىتاي جۇك تاسىمالىن ەۋرووداققا جەتكىزەتىن ەڭ قىسقا باعدارلاردىڭ بىرىنە اينالماق.