وڭىرلىك كوممۋنيكاتسيالار قىزمەتىندە وتكەن بريفينگتە باس رەداكتور باقتيار قاباسوۆ ارىپتەستەرىنە ءسۇيىنشى داناسىن تانىستىردى.
ازىرگە 1000 تيراجبەن باسىلىپ شىققان ءتۇرلى-ءتۇستى جۋرنال ەلىمىزدىڭ جاڭعىرۋ جولىنداعى جەتىستىكتەرى مەن جەڭىستەرىن پاش ەتپەك. ونەگەلى ەڭبەگىمەن كوپكە ۇلگى بولعان تۇلعالاردىڭ ۇستانىمدارى مەن كونە تاريحي جەرلەردى جاريالاۋدى ماقسات ەتىپ وتىر. باسىلىمدا جان-جاقتى ءارى سالماقتى تاقىرىپتار قامتىلماق. اقىلداستار القاسى دا زيالى قاۋىمداردان، ەلگە تانىمال ازاماتتاردان قۇرالعان.
شەف رەداكتور المات يسادىلدىڭ ايتۋىنشا، باسىلىم الداعى ۋاقىتتا 3 تىلدە جاريالاناتىن بولادى. ال، جاڭا ءالىپبي نۇسقاسى تولىعىمەن بەكىتىلسە، لاتىن قارپىنە كوشۋ جوسپاردا تۇر. جۋرنالعا قازىردىڭ وزىندە جازىلۋ ءجۇرىپ جاتىر.