بۇل تۋرالى قازاقستان رەسپۋبليكاسى قورعانىس جانە اەروعارىش ونەركاسىبى مينيسترلىگىنىڭ باسپا ءسوز قىزمەتى حابارلادى.
ۇشىرۋ «بايقوڭىر» عارىش ايلاعىنداعى 45-الاڭنان، «زەنيت- س م» زىمىران تاسىعىشتىڭ ستارت كەشەنىنەن (№1 ۇشىرۋ قوندىرعىسى) جۇزەگە اسىرىلدى.
«انگوسات» عارىشتىق اپپاراتى - انگولا رەسپۋبليكاسى جانە بۇكىل افريكا كونتينەنتىن C- جانە Ku-دياپازوندار جيىلىگىندە تەلەديدارمەن قامتاماسىز ەتۋ ءۇشىن قۇراستىرىلعان گەوستاتسيونارلىق سپۋتنيك.
سپۋتنيكتى انگولا رەسپۋبليكاسى بايلانىس جانە اقپاراتتىق تەحنولوگيالار مينيسترلىگىنىڭ تاپسىرىسى بويىنشا «س. پ. كوروليەۆ اتىنداعى «ەنەرگيا» زىمىران- عارىشتىق كورپوراتسيا» بۇقارالىق اكسيونەرلىك قوعامى جاسادى.
«انگوسات» جوباسى رەترانسلياتورى بار بايلانىس سپۋتنيگىن قۇراستىرۋ، ونى گەوستاتسيونارلىق وربيتاعا ۇشىرۋ جانە بايلانىس پەن تەليەۆيزيالىق تاراتۋدىڭ جەرۇستى ينفراقۇرىلىمىن جاساۋدى قاراستىرادى.
«انگوسات» عارىشتىق اپپاراتىنىڭ قىزمەت ەتۋىنىڭ كەپىلدى مەرزىمى - 15 جىل، ونىڭ سالماعى - 1685 كەلى.
«بايقوڭىر» عارىش ايلاعىنان عارىش اپپاراتتارىن ۇشىرۋدىڭ بەكىتىلگەن جوسپارىنا سايكەس بۇل ۇشىرىلىم وسى جىلداعى سوڭعىسى ەدى.