قانات يسلام جانكۇيەرلەرىمەن كەزدەسەدى

استانا. قازاقپارات - بەلگىلى قازاقستاندىق كاسىپقوي بوكسشى قانات يسلام جانكۇيەرلەرىمەن كەزدەسۋ وتكىزەدى، دەپ حابارلايدى قازاقپارات ءتىلشىسى.

بۇل تۋرالى سپورتشىنىڭ PR مەنەدجەرى بەرىك سۇلتان ءوزىنىڭ فەيسبۋك پاراقشاسىندا جازدى.

«قۇرمەتتى جانكۇيەرلەر، الماتى تۇرعىندارى مەن قوناقتارى! ەرتەڭ الماتى قالاسىندا روزىباكيەۆ كوشەسىندەگى «MEGA ALMA-ATA»- نىڭ 1 قاباتىندا الەمگە ايگىلى UNDER ARMOUR سپورتتىق دۇكەنى اشىلادى. اشىلۋ قۇرمەتىنە وراي، قانات يسلام ساعات جانكۇيەرلەرىمەن سول جەردە جۇزدەسەدى. سۋرەتكە ءتۇسىپ، قولتاڭبا العىڭىز كەلسە ءبىز سىزدەردى كۇتەمىز. 26- جەلتوقسان، ساعات 19:00-دە كەزدەسكەنشە»، - دەپ جازدى ول.

ەستەرىڭىزگە سالا كەتەيىك، قانات يسلام سوڭعى كەزدەسۋىن 9- قىركۇيەك كۇنى ەلوردامىز استانا قالاسىندا وتكىزىپ، كانادالىق برەندون كۋكتى (18-1, 11 ك و) توعىزىنشى راۋندتا تەحنيكالىق نوكاۋتپەن جەڭدى. وسىلايشا وتانداسىمىز WBO NABO جانە WBA Inter- Continental بەلبەۋلەرىن ساقتاپ قالدى.

اۆتور: كۇنسۇلتان وتارباي