لاتىن ءالىپبيىنىڭ سوڭعى ۇسىنىلعان نۇسقاسى دۇرىس دەپ سانايمىن - ق ر پرەزيدەنتى
بۇگىن وتاندىق تەلەارنالاردان كورسەتىلىپ جاتقان سۇحبات بارىسىندا قازاقستان تەلەارناسى «اپتا» ساراپتامالىق باعدارلاماسىنىڭ جۇرگىزۋشىسى مۇحتار تۇمەنبايەۆ ەلباسىدان « بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ بارىسى جايىندا سۇرادى.
«ۇلتتىق كوميستسيا قۇرىلدى. سول كوميستسيانىڭ جۇمىسىنا كوڭىلىڭىز تولا ما؟ جالپى، قارقىنى قالاي ءجۇرىپ جاتىر دەپ ويلايسىز؟»، - دەپ سۇرادى ول.
قازاقستان پرەزيدەنتى باعدارلامالىق ماقالادا ايتىلعان دۇنيەلەردى ورىنداۋ ءۇشىن ءتيىستى زاڭدار قابىلدانىپ، ۇسىنىستار دا ەنگىزىلگەندىگىن اتاپ ءوتتى.
«ەڭ ءبىرىنشى لاتىن الىپبيىنە كوشەمىز دەگەن ماسەلەنى حالىق بولىپ تالقىلاپ، بارلىق زيالى قاۋىمنىڭ، ءتىل، تاريح عالىمدارىنىڭ پىكىرىن تىڭداپ، بارلىق جاعىنان قاراپ، ەلدىڭ ويىن ءبىلىپ، ءبىر جۇيەگە كەلدىك. لاتىن ءالىپبيىنىڭ ەڭ سوڭعى نۇسقاسىن ماعان الىپ كەلدى. مەن ونى بەكىتتىم. ءبىراق، تۇگەل ونى ەنگىزۋ، سول ءالىپبي ارقىلى جۇمىس ىستەۋگە ءالى ۋاقىت بار. سوندىقتان مۇنى دا قاتىپ قالدى دەپ ويلاۋعا بولمايدى. مەن بىلەمىن، كەيبىر ماسەلەلەرگە قاتىستى ۇستىندەگى «نۇكتە دۇرىس پا، بىرنەشە قارىپتەن جاساۋ كەرەك پە ەدى؟» دەپ ايتادى»، - دەدى ەلباسى.
مەملەكەت باسشىسى سونىمەن قاتار كەيبىرەۋلەردىڭ تۇركى تىلدەس اعايىنداردىڭ الىپبيمەن ءجۇرۋ قاجەت ەدى، دەگەندى دە ايتاتىندىعىن ەسكە سالدى.
«مەنىڭ كومپيۋتەردەگى نۇسقاعا ساي كەلۋى كەرەك. كومپيۋتەردىڭ (كلاۆياتۋرالارىن) وزگەرتپەۋگە جاعداي جاساۋ قاجەت. سول ءۇشىن جاسادىق. سول ۇشىن قازىرگى نۇسقا دۇرىس دەپ سانايمىن»، - دەدى ن. ءا. نازاربايەۆ.