بۇل تۋرالى قازاقپارات ءتىلشىسى China Daily گازەتىنە سىلتەمە جاساپ حابارلايدى.
اتالمىش باسىلىمنىڭ جازۋىنشا، كۇشتى جەلدەرگە توتەپ بەرە الاتىن كوپىر شيجياجۋاڭ قالاسىنىڭ ماڭىنداعى حۋنياگۋ اۋدانىندا ورنالاسقان جانە ەكى تىك جارتاستىڭ اراسىن جالعاپ تۇر. ونىڭ ۇزىندىعى - 488 مەتر، ەنى - 2 مەتردى قۇراسا، بيىكتىگى - 218 مەترگە (شامامەن 66 قابات) جەتەدى.
ساۋلەتتىك نىساننىڭ جالپى سالماعى 70 توننانى قۇرايدى، ونى سالۋعا قالىڭدىعى 4 س م بولاتىن 1077 ءمولدىر شىنى پانەلى جۇمسالعان.
ەرەكشە اسەر سىيلاۋ ماقساتىندا كوپىر كەلۋشىلەر ساۋلەتتىك نىساننىڭ بەل ورتاسىندا جەتكەندە قوزعالاتىنداي ەتىپ جاسالعان. ەرەكشە نىسان ءبىر مەزگىلدە 2 مىڭ ادامعا دەيىن كوتەرە الادى، ءبىراق ازىرگە 500 ادامعا عانا ءبىر مەزگىلدە كوپىرگە شىعۋعا رۇقسات بەرىلگەن.
اۆتور: ايجان سەرىكجان قىزى