الماتىلىقتار يت جىلى قارساڭىندا قاڭعىباس يتتەردىڭ بارلىعىن اسىراپ الدى

جانۋارلاردى الماتىلىق ەرىكتىلەر ءاليا جۇما مەن يۋليا سنەگيريەۆا اسىراپ الدى.

ولارعا Facebook قولدانۋشىلارى ءدارى- دارمەك، ازىق- تۇلىكپەن كومەكتەسىپ جاتىر.

ەكى ەرىكتى بويجەتكەننىڭ ءارقايسىسى 50-60 يت اسىراپ وتىر. سوعان قاراماستان ولار وقشاۋلاعىشتاعى يتتەردىڭ ءبىرىن قالدىرمادى.

ايتا كەتۋ كەرەك، الماتى بيلىگى قاڭعىباس يتتەردى باقىلاۋ سالاسىندا ۇلكەن رەفورما جاساپ جاتىر. قالالىق ۆەتەرينارلىق قىزمەت ورتالىعىنىڭ باسشىسى سەرىك جاقسابايەۆ قوعامدىق كەڭەستەگى وتىرىستا يەسىز جانۋارلاردى اسىراپ الۋ كورسەتكىشىن ارتتىرۋعا باسىمدىق بەرىلەتىنىن ايتتى.

وسى ماقساتتا Instagram جەلىسىندە ۇستالعان جانۋاردىڭ سۋرەتىن جاريالاپ، بۇرىنعى قوجايىندارىن تاۋىپ الۋ مۇمكىن بولادى.

 «وقشاۋلاعىشتىڭ جۇمىس ۋاقىتى 4 ساعاتقا ۇزارتىلدى. تاڭعى 9 دان تۇنگى 10 عا دەيىنگى ۋاقىتتا يت اسىراپ الامىن دەۋشىلەر كەلىپ قاراي الادى. بۇرىن جانۋارلاردى 3 كۇن ۇستاسا، ەندى 5 كۇنگە دەيىن ۇزارتۋ قاراستىرىلىپ وتىر. بيىل شىلدەدەن باستاپ  3058 جانۋار يەسىنە قايتارىلدى. وتكەن جىلى بۇل كورسەتكىش 357 بولاتىن» ، - دەدى سەرىك جاقسابايەۆ.

ونىڭ ايتۋىنشا، بۇگىندە يت- مىسىق اسىراپ الاتىندارعا ارنايى ءتولقۇجات بەرىلەدى. سونىمەن قاتار، تەگىن ەكپە جاسالىپ، چيپ ورناتىلادى.