ياعني ينتەرنەتتىڭ ماڭىزى زور. ينتەرنەتسىز ادام ءومىرىن ەلەستەتۋ وتە قيىن. كۇن وتكەن سايىن ادامدار ينتەرنەتكە تاۋەلدى بولىپ بارادى. ادامزات بالاسى كەم دەگەندە كۇنىنە 1 ساعات عالامتورعا ءجىپسىز بايلانادى. ال ەندى عالامتوردىڭ پايداسىن تىزبەكتەي كەتەيىن :
1. ينتەرنەتتەن نە كەرەك ءبارىن تاباسىڭ. اسىرەسە، ستۋدەنتتەر جانە مەكتەپ وقۋشىلارى رەفەرات، ماعلۇماتتار، شىعارما جانە ت. ب الادى. قازىردىڭ وزىندە ينتەرنەت ارقىلى تەست تاپسىرىپ، ينتەرنەت ارقىلى ساباق الىپ جاتقاندار دا بار. سونداي- اق ينتەرنەت ارقىلى جۇمىس ىستەپ، سول ارقىلى اقشا تابۋعا دا بولادى.
2. ينتەرنەت ارقىلى تانىسىپ، وتاۋ قۇرىپ جاتقاندار دا بار. ياعني بۇل ەكى ادامدى قوساتىن كۇش. ال زيانىنا كەلەتىن بولساق: بريتاندىق بيولوگتار ارنايى زەرتتەۋ جۇرگىزە كەلىپ، مىنانداي قورىتىندى جاساپ وتىر: «الەۋمەتتىك جەلىلەردە ۇنەمى وتىرۋ مي قىزمەتىنە دە كەرى اسەر ەتەدى، گورمونالدىق تەپە- تەڭدىكتى بۇزادى، يممۋنيتەتتى ناشارلاتادى، مۇنىڭ ءبارى ادامنىڭ جۇيكەسى مەن وي- ساناسىنا بەلگىلى ءبىر مولشەردە اۋىرتپالىق تۇسىرەدى» . وزدەرىڭىزگە بەلگىلى، جۇيكەگە سالماق ءتۇسۋى دەگەنىڭىز - ويلاۋ قابىلەتىنىڭ تومەندەۋى، كوڭىل ءبولۋ مەن ەستە ساقتاۋدىڭ كەمۋى، باس اۋرۋى مەن ۇيقىسىزدىق، كوڭىل كۇيدىڭ قۇلازۋى. نەگىزىنەن، كومپيۋتەردىڭ الدىندا وتىرىپ، جۇمىس ىستەيتىندەردىڭ شاعىمداناتىن سىرقات بەلگىلەرى ەكى توپقا بولىنەدى:
1. كوزدىڭ كورۋ قابىلەتىنىڭ ناشارلاۋى. 2. باستىڭ جەلكە تۇسىنىڭ (قاراقۇسىنىڭ) ، مويىن مەن يىق، جاۋىرىن، بىلەكتىڭ اۋىرۋى. كورۋ قابىلەتىنىڭ ءناشارلاۋى ونىڭ بۇلدىراپ، انىق كورمەۋى، وزىنە تۇسكەن سالماقتان كۇيگەن ءتارىزدى اشىپ، قىزارۋى. كومپيۋتەردەن شىعاتىن ەلەكتروماگنيتتىك ساۋلەنىڭ دە ادام اعزاسىنا زياندى ەكەندىگى جونىندە كوپتەن بەرى ايتىلىپ كەلەدى. كۇندەلىكتى جۇمساق ويىنشىعى مەن تاس- قۇمىن دا عالامتورعا ايىرباستاعان بالالاردىڭ اعزاسىنا قانداي كەرى اسەرى بارىن الداعى ۋاقىتتا جازاتىن بولامىز! انىق ءبىر جايت بار: ءوزىڭىزدى دە، جاقىنىڭىزدى دا عالامتورعا ساعاتتاپ بايلانۋدان ساقتاڭىز!
anabol.kz